ខេត្តបាត់ដំបង ៖ យ៉ាងហោចណាស់ មនុស្ស២នាក់បានស្លាប់ និង២នាក់ទៀតបានរងរបួសធ្ងន់ក្នុងឧប្បតិហេតុគ្រោះថ្នាក់ចរាចរណ៍ដ៏រន្ធត់មួយ រវាងរថយន្តនិងរថយន្តបុកគ្នាយ៉ាងពេញទំហឹង កាលពីវេលាម៉ោង៨យប់ថ្ងៃទី១៣ កុម្ភៈ ស្ថិតលើកផ្លូវជាតិលេខ៥ ត្រង់ចំណុចភូមិព្រៃស្វាយ ឃុំព្រៃស្វាយ ស្រុកមោងប្ញស្សី ។
សេចក្តីរាយការណ៍ឱ្យដឹងថា ចំពោះអ្នករងរបួស ត្រូវបានស្គាល់១-ឈ្មោះហង្ស វណ្ណ ភេទប្រុស អាយុ៤៨ឆ្នាំ និង២-ឈ្មោះវណ្ណះ ចរណៃ ភេទស្រី អាយុ១១ឆ្នាំ មានទីលំនៅក្នុងស្រុកបាកាន ខេត្តពោធិ៍សាត់ ។ ដោយឡែក អ្នកស្លាប់វិញ ១-ឈ្មោះសោម សុីដេត ភេទប្រុស អាយុ៤៦ឆ្នាំ មានទីលំនៅឃុំរាំងកេសី ស្រុកសង្កែ (អ្នកបើកបររថយន្តតូច) ២-ឈ្មោះហង្ស សីហា ភេទប្រុស អាយុ៣៧ឆ្នាំ រស់នៅឃុំរាំងកេសី ស្រុកសង្កែ ។
សមត្ថកិច្ចបានឱ្យដឹងថា ករណីគ្រោះថ្នាក់ចរាចរណ៍នេះ គឺបង្កឡើងដោយរថយន្តម៉ាកហីុណូធុនដឹកជញ្ជូន ពាក់ផ្លាកលេខភ្នំពេញ 3A-2727 អ្នកបេីកបរមិនស្គាល់អត្តសញ្ញាណតែបានរត់គេចខ្លួន ដែលបានជ្រុលចង្កូតទៅបុករថយន្តមូយគ្រឿងទៀត ម៉ាកហីុយ៉ាន់ដាយ ធុនដឹកជញ្ជូនដូចគ្នា ពាក់ផ្លាកលេខ បាត់ដំបង2B-6341 ដែលកំពុងធ្វើដំណើរក្នុងគោលដៅផ្ទុយគ្នា ។ មន្ត្រីដដែលបញ្ជាក់ទៀតថា នៅក្នុងហេតុការណ៍នេះ ធ្វើឱ្យបុរស២នាក់បានស្លាប់នៅនឹងកន្លែង រីឯបុរសម្នាក់និងស្ត្រីម្នាក់ទៀតរងរបួសធ្ងន់ តែគេមិនទាន់ស្គាល់អត្តសញ្ញាណជនរងគ្រោះទាំងអស់នោះនៅឡើយទេ។
បើតាមប្រភពពីសាក្សីបានឲ្យដឹងថា ដំបូងគេឃើញរថយន្តធំពាក់ស្លាកភ្នំពេញ 3A-2727 ធ្វើដំណើរពីទិសខាងលិច ឆ្ពោះទៅខាងកើត ។ លុះដល់ចំណុចខាងលើ ស្រាប់តែរថយន្តយក្សនេះ បានរេចង្កូតទៅបុករថយន្តមួយគ្រឿងទៀតពេញទំហឹង ដែលកំពុងធ្វើដំណើរផ្ទុយគ្នា ។ ប្រភពដដែលបានឲ្យដឹងទៀតថា ភ្លាមៗនោះ អ្នកភូមិបានជួយអន្តរាគមន៍សង្គ្រោះមនុស្ស ដែលកៀបជាប់ក្នុងរថយន្តតូចដែលរងការខូចខាតយ៉ាងធ្ងន់ធ្ងរ ខណ:សមត្ថកិច្ចក៏បានមកដល់ជួយអត្តរាគមន៏ភ្លាមៗដែរ។
ទោះយ៉ាងណា ជុំវិញករណីគ្រោះថ្នាក់នេះ បើតាមសមត្ថកិច្ចបានធ្វើការសន្និដ្ឋានបឋមលើការពិនិត្យលើទីតាំងកើតហេតុ គឺអាចជាកំហុសខាងភាគីរថយន្តធំច្រើនជាង ដោយសាររេចង្កូតទៅបុករថយន្តមួយគ្រឿងទៀត ពេលធ្វើដំណើរបញ្ច្រាសទិសគ្នា ។ ក្រោយធ្វើការវាស់វែងមន្ត្រីជំនាញ បាននាំយករថយន្តទាំង២គ្រឿង ទៅកាន់ស្នងការខេត្ត ដើម្បីដោះស្រាយតាមនីតិវិធី ខណ:អ្នករបួសត្រូវបានបញ្ជូនទៅមន្ទីរពេទ្យ រីឯសពជនរងគ្រោះ ត្រូវបានសាច់ញតិមកទទូលយកទៅធ្វើបុណ្យហើយ ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]