រាជធានីភ្នំពេញ ៖ ប្រភពច្បាស់ការណ៍បានឱ្យដឹងថា កាលពីវេលាម៉ោង០៩យប់ថ្ងៃទី១៣ កុម្ភៈ ព្រះតេជគុណ ហោ សុខុន ព្រះចៅអធិការវត្ត«ពោធិ៍ព្រះបាត្រ»ហៅ«វត្តច្បារអំពៅ ត្រូវបានគណៈសង្ឃជាច្រើនអង្គនៃក្រសួងធម្មការនិងសាសនា ចុះទៅនិមន្តទៅផ្សឹកនៅវត្តបទុមវតី ។ គួរបញ្ជាក់ថា ការផ្សឹកចៅអធិការវត្តច្បារអំពៅនេះ គឺដោយរឃើញថា បានប្រព្រឹត្តខុសដែលប្រាសចាកទៅនឹងក្រមវិន័យរបស់សង្ឃ ។
គួររំលឹកទៀតថា កាលពីវេលារសៀលថ្ងៃទី១១ កុម្ភៈ ត្រូវអាជ្ញាធររាជធានីភ្នំពេញ រួមជាមួយគណៈសង្ឃ នៃមន្ទីរធម្មការ និងសាសនា និងអាជ្ញាធរពាក់ព័ន្ធជាច្រើននាក់ បានចុះទៅដល់ទីតាំងវត្តច្បារអំពៅ ជួបជាមួយព្រះចៅអធិការវត្តខាងលើ ។ ការជួប គឺដើម្បីជជែកវែកញែកពីបញ្ហាដែលកើតឡើង ហើយត្រូវលោកចៅអធិការរូបនេះ បានបង្ហោះវីឌីអូនៅលើបណ្តាញទំនាក់ទំនងសង្គម ដោយមានសង្ឃដីកាអំពីបញ្ហាប្រទេសជាតិ ដោយធ្វើឱ្យប៉ះពាល់ដល់មជ្ឈដ្ឋានខាងក្រៅមានការយល់ច្រឡំជាខ្លាំង ។
ប្រភពបន្តទៀតថា ការជជែកគ្នានោះគឺតម្រូវឱ្យលោកចៅអធិការបញ្ឈប់ការ Live វីឌីអូ ដែលមានសង្ឃដីកាអំពីបញ្ហាប្រទេសជាតិតទៅទៀត ។ ប៉ុន្តែរយៈ២ថ្ងៃក្រោយ លោកចៅអធិការត្រូវបានចាប់ផ្សឹក ដោយមន្ត្រីថ្នាក់ដឹកនាំសង្ឃនៃក្រសួងធម្មកា និងសាសនា បានរកឃើញថា «ចៅអធិការវត្តរូបនេះ គឺមានកំហុសធ្ងន់ខុសនឹងវិន័យសង្ឃ និងព្រះពុទ្ធសាសនា ដែលមិនអាចលើកលែងបាន ទើបសម្រេចនាំផ្សឹកតែម្តង ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]