វីដេអូសត្វឆ្មាកាយយកចិញ្ចៀន ដែលជ្រុះចូលឡាបូលាងដៃ ទទួលបានការចាប់អារម្មណ៍ខ្លាំង (មានវីដេអូ)

បរទេស៖ កាលពីថ្ងៃព្រហស្បត្តិ៍សប្តាហ៍មុន អ្នកស្រី Gina Wilson បានផុសវីដេអូមួយចូលបណ្តាញសង្គម Twitter បង្ហាញពីសមត្ថភាពរបស់សត្វឆ្មាចិញ្ចឹមរបស់នាង Thrasher ដែលអាចយកក្រញាំកាយយកចិញ្ចៀនរបស់ម្ចាស់វា ដែលបានជ្រុះចូលឡាបូលាងដៃបានយ៉ាងងាយ។ វីដេអូរបស់អ្នកស្រី Gina បានទទួលការចាប់អារម្មណ៍យ៉ាងខ្លាំងពីសំណាក់មនុស្សជុំវិញពិភពលោកប្រមាណ ១១លាននាក់ជាង។

យោងតាមប្រសាសន៍របស់អ្នកស្រី Gina ផ្ទាល់បាននិយាយថា “កាលពីខែមុន ខ្ញុំបានធ្វើឲ្យជ្រុះចិញ្ចៀនមួយវង់ចូលក្នុងឡាបូលាងដៃ។ ខ្ញុំមិនហ៊ានយកអីទៅឆ្កឹះវាចេញមកទេព្រោះខ្ញុំក្លាចវាធ្លាក់ចូលកាន់តែជ្រៅ។ តែមកមើលសមត្ថភាពសត្វឆ្មារបស់ខ្ញុំនេះវិញមើល៎”។ 

ឆ្មា Thrasher អាចប្រើក្រញាំវា កាយយកចិញ្ចៀនរបស់ម្ចាស់វាដែលជ្រុះនោះចេញពីឡាបូលាងដៃបានសម្រេច។

បន្ទាប់ពីទស្សនាវីដេអូឃ្លីបនេះរួច មនុស្សជាច្រើនបានឆ្ងល់ហើយក៏បានសួរទៅកាន់នាងថា ហេតុអ្វីបានជាចិញ្ចៀននោះមានដង្កៀបខ្មៅមួយគ្រៀបជាប់នឹងវាអីចឹង? ពេលនោះ អ្នកនាង Gina បានឆ្លើយតបនឹងសំណួរនេះថា “ខ្ញុំគៀបចិញ្ចៀននឹងដង្កៀបនេះព្រោះខ្ញុំចង់រក្សាវាទុកជាមួយគ្នាតែម្តង ហើយវាក៏មិនងាយបាត់ទៅណាដែរ”៕

មានវីដេអូនៅខាងក្រោម៖

So a month ago I dropped a ring & a clip down my bathroom sink and I’ve been scared to try to save it because I was scared it would just drop farther down but look at my cat being the fucking GOAT pic.twitter.com/A9TGLwnofV

— gina wilson (@ginaawilsonn) February 7, 2019

• វីដេអូ