រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅមុននេះបន្តិចមានស្ត្រីម្នាក់ បានមកលោតទឹកសម្លាប់ខ្លួនស្ពានជ្រោយចង្វារ ហើយត្រូវបានអ្នកនេសាទឃើញក៏ចេញទូកទៅជួយសង្គ្រោះទាន់ពេល ។
សេចក្តីរាយការណ៍បានបន្តថា ស្ត្រីខាងលើនេះមានឈ្មោះ ស្រីអូន អាយុ៣០ឆ្នាំ នាងបានអះអាងថា នាងជាកម្មករសំណង់ អត់មានផ្ទះស្នាក់នៅពិតប្រាកដទេ ។ ទាក់ទងនឹងមូលហេតុនេះនាងមិនបានប្រាប់ឲ្យដឹងអ្វីច្រើននោះទេ នាងថា គ្រាន់តែធុញថប់ក្នុងជីវិតក៏ដាច់ចិត្តធ្វើដំណើរមកលោតចិត្តសម្លាប់ខ្លួនតែម្តង ។ ហើយនៅពេលដែលលោតទឹក គឺត្រូវបានអ្នកស្ទូចត្រីឃើញក៏បានហៅទូកនេសាទឲ្យទៅជួយស្រង់យកមកដាក់លើគោកវិញ គល់ស្ពានជ្រោយចង្វារខាងកើត។
គួរបញ្ជាក់ថា កាលពីម្សិលមិញស្ត្រីវ័យក្មេងម្នាក់បានធ្វើដំណើរមកលោតទឹកសម្លាប់ខ្លួននៅលើស្ពានជ្រោយចង្វារជាបន្តបន្ទាប់ ចំនួន២ថ្ងៃជាប់គ្នា ហើយត្រូវបានអ្នករៀបចំសណ្តាប់ធ្នាប់ស្ពានជ្រោយចង្វារឃើញជួយទាន់ ។ ចំណែកថ្ងៃនេះទៀតមានស្ត្រីម្នាក់ទៀតមកលោតទឹកសម្លាប់ខ្លួនដែរ ហើយត្រូវបានប្រជានេសាទជនជាតិអ៊ីស្លាមជួយសង្គ្រោះទៀត ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]