អាមេរិក៖ កីឡាករ Floyd Mayweather បង្ហើបឱ្យដឹងថា លោកអាចនឹងត្រលប់មកលើសង្វៀនប្រដាល់សាជាថ្មី ព្រោះកំពុងមានការចរចាឱ្យថ្លៃខ្លួនលោករហូតដល់ ៨០លានដុល្លារអាមេរិក។
គួររម្លឹកថា Floyd ទើបតែធ្វើដំណើរទៅកាន់ទីក្រុងតូក្យូដើម្បីប្រកួតជាមួយកីឡាករជប៉ុន Tenshin Nasakuwa កាលពីខែធ្នូកន្លងទៅនេះប៉ុណ្ណោះ ដោយទទួលបានថ្លៃខ្លួន៩លានដុល្លារ។ រូបគេចំណាយពេលត្រឹម ២នាទីប៉ុណ្ណោះ ដើម្បីផ្តួលកីឡាករប្រដាល់វ័យក្មេងរបស់ជប៉ុនដែលវាយមិនធ្លាប់ចាញ់ដូចគ្នា។
Floyd បានបង្ហើបឱ្យដឹងកាលពីថ្ងៃសៅរ៍សប្តាហ៍មុនថា លោកអាចនឹងយកហ្គង់មកពាក់ និងចូលសង្វៀនម្តងទៀតនៅការប្រកួតធំណាមួយ។
Floyd Mayweather បានប្រាប់ទៅកាន់អ្នកកាសែតបែបលេងសើចថា៖ “អ្នកដឹងថាមានរឿងអ្វីដែលរឹតតែពិសេសដែរទេ? មុនប្រកួតខ្ញុំរំពឹងថាត្រូវទទួលបានលុយត្រឹម ៩លានដុល្លារប៉ុណ្ណោះ តែពេលវាយចប់ខ្ញុំទទួលបានលុយបន្ថែម (Bonus) ហេតុនេះហើយខ្ញុំទទួលបានសរុបជាង ១០លានដុល្លារ”។
ចំពោះចម្លើយពាក់ព័ន្ធនឹងការប្រកួតបន្ទាប់វិញ Floyd បានប្រាប់ថាប្រហែលជាអាច ហើយប្រាកដណាស់ថានឹងអាចកើតមានឡើង ដោយសារលោកបានទទួលសំណើលើតុដើម្បីចរចាថ្លៃខ្លួនចំនួន ៨០លានដុល្លាររួចទៅហើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]