បរទេស៖ នេះជាកាណូតស៊េរីថ្មីរាងដូចកូនកណ្តុរ មានឈ្មោះផ្លូវការថា The Royal Version 001 ផលិតដោយក្រុមហ៊ុនផលិតនាវារបស់អ៊ីតាលីមួយឈ្មោះ Jet Capsule។ កាណូតនេះមានប្រវែង៨ម៉ែត្រ ផ្ទុកអ្នកដំណើរបានចន្លោះពី ៨ ទៅ ១២នាក់ រួមទាំងអ្នកបើក។
កាណូត The Royal Version 001 មានតម្លៃ ២៥ម៉ឺនដុល្លារ បំពាក់បច្ចេកវិទ្យាថ្មីៗជាច្រើន។ ផ្ទៃខាងក្នុងត្រូវបានគេភ្ជាប់មកជាមួយដំបូលឃាំងជិតនៅផ្នែកខាងលើ និង កញ្ចក់ការពារគ្រាប់ព័ទ្ធជុំវិញ។ នៅផ្ទៃខាងក្រោយមានបំពាក់បន្ទប់ទឹក និងបន្ទប់ហូបអាហារតូចមួយ។ គេក៏អាចច្នៃបន្ទប់ហូបអាហារទៅជាបារបានផងដែរ។
កាណូតកូនកណ្តុរនេះត្រូវបានគេចំណាយពេល ៦ខែដើម្បីសាងសង់ និងបំពាក់ម៉ាស៊ីនមេប្រភេទ Yangmar diesel engines អាចរត់បានល្បឿន ១១២,៦គីឡូម៉ែត្រក្នុងមួយម៉ោង។
យោងតាមប្រសាសន៍របស់លោក Lazzarini បាននិយាយថា “ខ្ញុំចង់បង្កើតកាណូតមួយបើទោះបីជាមិនសូវធំ តែអាចទាក់ភ្នែកជាមួយរចនាបទប្លែកពីគេ។ នៅពេលដែលយើងយកកាណូត The Royal Veresion 001 នេះទៅជិះលើឆ្នេរ ខ្ញុំជឿថាមនុស្សជាច្រើននឹងឡើងលើដំបូលវាដើម្បីថតរូប”៕
មានរូបភាពនិងវីដេអូនៅខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]