ឆ្នាំនេះបទថ្មី «អ៊ូមវ៉ាកអឺ» របស់យូរី បញ្ចេញក្បាច់រាំកាន់តែប្លែក មិនឲ្យចាញ់បទឆ្នាំមុន (មានវីដេអូ)

ភ្នំពេញ៖ ប្រិយមិត្តជាច្រើនប្រាកដជាបានដឹងហើយថា តារាចម្រៀងសម្លេងស្រទន់ កញ្ញាយូរី ជារៀងរាល់ឆ្នាំតែងតែបង្ហាញនូវបទចម្រៀងថ្មីៗរបស់ខ្លួន ទុកឲ្យមហាជនរាំលេងកម្សាន្តខណៈពេលដែល ពិធីបុណ្យចូលឆ្នាំខ្មែរជិតចូលមកដល់។

រាល់បទចម្រៀងថ្មីៗរបស់តារាស្រីរូបនេះ តែងតែទទួលបានការចាប់អារម្មណ៍ខ្លាំង ពីបណ្តាអ្នកគាំទ្រជាច្រើននៅក្នុងប្រទេស ព្រោះមិនថាភ្លេង អត្ថន័យតែងតែប្លែក ជាពិសេសនោះគឺក្បាច់រាំរបស់នាង បានបញ្ចេញឡើងយ៉ាង គួរឲ្យចាប់អារម្មណ៍យ៉ាងខ្លាំងតែម្តង។

យ៉ាងណាមិញ បទថ្មីសម្រាប់ឆ្នាំនេះរបស់នាងក៏បានបង្ហាញជាសាធារណៈ ជាមួយនឹងបទថ្មី «អ៊ូមវ៉ាក់អឺ» ដែលក្បាច់រាំយ៉ាងគួរឲ្យទាក់ទាញ ទោះមើលទៅសាមញ្ញបន្តិចយ៉ាងណាក្តី រីឯបទចម្រៀងវិញ ក៏ស្តាប់ហើយគួរឲ្យចង់រាំតាមតែម្តង។

ទន្ទឹមនឹងនេះ បទចម្រៀងថ្មីមួយនេះទើបតែបង្ហាញយ៉ាងណាក្តី ក៏ប៉ុន្តែមានការពេញចិត្តពីបណ្តាអ្នកគាំទ្រជាច្រើន បានចូលទស្សនាជាង១២ម៉ឺនដងឯណោះ។ តាមរយៈ បទចម្រៀងមួយនេះ មហាជននឹងរំពឹងថា មានការគាំទ្រខ្លាំងពីបណ្តាមហាជនជាច្រើននៅក្នុងប្រទេសផងដែរ៕

សូមទស្សនាវីដេអូខាងក្រោមនេះ ដើម្បីជ្រាបច្បាស់៖ 

• យូរី
• វីដេអូ
• តារាខ្មែរ