WARNING: GRAPHIC IMAGES
(ត្បូងឃ្មុំ)៖ រថយន្តម៉ាកហ៉ីយ៉ាន់ដាយ១គ្រឿង បានប៉ះគ្នាជាមួយម៉ូតូសណ្តោងរ៉ឺម៉ក ១គ្រឿងទៀត យ៉ាងពេញទំហឹង បណ្តាលឲ្យរបួសដាច់ដៃ ក្មេងស្រីម្នាក់ និងរបួសបុរសម្នាក់យ៉ាងធ្ងន់ធ្ងរ។
ហេតុការណ៍នេះ បានកើតឡើងនៅថ្ងៃទី០៦ ខែកុម្ភៈ ឆ្នាំ២០១៩ វេលាម៉ោង ១៦៖៤០នាទី លើផ្លូវជាតិលេខ៧ ត្រង់ចំណុចមុខដីឈ្មោះ គង់ ម៉េងលី ចន្លោះបង្គោលគីឡូម៉ែត្រលេខ១៤៨-១៤៩ ស្ថិតនៅភូមិជ្រៃបិទមាស សង្កាត់សួង ក្រុងសួង ខេត្តត្បូងឃ្មុំ។
តាមរបាយការណ៍របស់ស្នងការនគរបាលខេត្តត្បូងឃ្មុំ បានឲ្យដឹងថា រថយន្តម៉ាកហ៊ីយ៉ាន់ដាយ ប្រភេទV1 ព៌ណខៀវលាយស គ្មានស្លាកលេខ មិនស្គាល់ឈ្មោះ និងអាស័យដ្ឋានអ្នកបើកបរ បានបង្កជាមួយម៉ូតូម៉ាកសង់កូរ៉េសណ្តោងរ៉ឺម៉ក ពណ៌ក្រហម គ្មានស្លាកលេខ បើកបរដោយឈ្មោះ កាំង ស្រាន ភេទប្រុស អាយុ២៨ឆ្នាំ ជាតិខ្មែរ នៅភូមិថ្នល់ថ្មី សង្កាត់វិហារលួង ក្រុងសួង ខេត្តត្បូងឃ្មុំ។
មុនពេលកើតហេតុ ម៉ូតូរ៉ឺម៉កកំពុងធ្វើដំណើរពីលិចទៅកើត ស្រាប់តែមានរថយន្តហ៉ីយ៉ាន់ដាយ បើកបរយ៉ាងលឿនស្របទិសគ្នា ក៏គៀរម៉ូតូរ៉ឺម៉កយ៉ាងពេញទំហឹង។ ភាគីរ៉ឺម៉កម៉ូតូបានដឹកគ្នាម្នាក់ឈ្មោះ វ័រ ស្រីនីត ភេទស្រី អាយុ១១ឆ្នាំ នៅភូមិ ឃុំជាមួយគ្នា ក៏បណ្តាលឲ្យនាងរបួសធ្ងន់ដាច់ដៃ ខណៈអ្នកបើកបររ៉ឺម៉ក ក៏របួសធ្ងន់ផងដែរ ចំណែកភាគីខាងរថយន្ត ក្រោយពេលកើតហេតុរត់គេចខ្លួនបាត់ស្រមោល៕
ប្រភព៖ Fresh News
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]