(ត្បូងឃ្មុំ)៖ អគ្គិភ័យបានលេបត្របាក់ផ្ទះប្រជាពលរដ្ឋអស់ចំនួន៤ខ្នង ក្នុងនោះ៣ខ្នង ជាផ្ទះឈើ (ឆេះអស់ទាំងស្រុង) និង១ខ្នងទៀត (ខូចខាតអស់ពាក់កណ្តាល) និងទ្រព្យសម្បត្តិជាច្រើនទៀត តែមិនមានគ្រោះថ្នាក់ដល់មនុស្សឡើយ។ ហេតុការណ៍នេះ បានកើតឡើងនៅថ្ងៃទីខែ០៧ ខែកុម្ភៈ ឆ្នាំ២០១៩ វេលាម៉ោងប្រហែល៩៖០០នាទីព្រឹក ស្ថិតនៅភូមិជាំទ្រៀក ឃុំត្រមូង ស្រុកមេមត់ ខេត្តត្បូងឃ្មុំ។

ចំពោះករណីអគ្គិភ័យនេះ នៅមិនទាន់ដឹងមូលហេតុច្បាស់នៅឡើយទេ ប៉ុន្តែតាមសេចក្តីរាយការណ៍បឋម ពីសមត្ថកិច្ចមូលដ្ឋាន បានឲ្យដឹងថា ករណីនេះអាចបណ្តាលមកពីការដុតសំរាម ខាងក្រោយផ្ទះរបស់ម្ចាស់ផ្ទះម្នាក់ក្នុងចំណោមផ្ទះឆេះទាំងនោះ។

បន្ទាប់ពីមានការអន្តរាគមន៍ភ្លាមៗ ពីសំណាក់អាជ្ញាធរមូលដ្ឋានគ្រប់ជាន់ថ្នាក់ អគ្កិភ័យដ៏សន្ធោសន្ធៅនេះ ត្រូវបានគ្រប់គ្រង និងបាញ់ទឹកពន្លត់រលត់វិញទាំងស្រុង នៅវេលាម៉ោងប្រមាណ១១៖០០នាទីព្រឹក ដោយប្រើប្រាស់រថយន្តពន្លត់អគ្គិភ័យចំនួន ៤គ្រឿង ក្នុងនោះមានរថយន្តរបស់អធិការដ្ឋាននគរបាល ស្រុកមេមត់ ស្នងការខេត្ត ស្រុកពញាក្រែក និងស្រុកតំបែរ។

ដោយឡែក ទំហំនៃការខូចខាត នៅមិនទាន់ដឹងនៅឡើយទេ។ ព័ត៌មានលម្អិត Fresh News នឹងរាយការណ៍ជូន តាមក្រោយជាបន្ត៕

ប្រភព៖ Fresh News

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]