បរទេស៖ កីឡាករ Emiliano Sala និងអាកាសយានិកលោក David Ibbotsom បានបាត់ខ្លួនជាមួយយន្តហោះធុនតូចមួយគ្រឿង កាលពីជាង២សប្តាហ៍មុន។ ក្រុមអ្នកស្រាវជ្រាវ និងអ្នករុករកបានព្យាយាមគ្រប់មធ្យោបាយទាំងអស់ ដើម្បីធ្វើយ៉ាងណាស្វែងរកយន្តហោះដែលបានបាត់នោះ ព្រមទាំងអ្នករួមដំណើរផងដែរ។
ចំណែករឿងដែលគួរឱ្យចាប់អារម្មណ៍ និងអស់សង្ឃឹមខ្លាំងបំផុត គឺក្រុមអ្នកស្វែងរក បានប្រទះឃើញបំណែករបស់យន្តហោះដែលបានបាត់ ព្រមទាំងសាកសពដែលមិនទាន់កំណត់អត្តសញ្ញាណបាននៅឡើយ ប៉ុន្តែគេជឿថាជាសាកសពរបស់កីឡាករ Sala។
កាលពីម្សិលមិញ គេសង្កេតឃើញបងស្រីរបស់កីឡាករ Sala បង្ហោះរូបភាពគួរឱ្យអាណិតមួយសន្លឹក គឺរូបរបស់សត្វឆ្កែរបស់គាត់ឈ្មោះ Nala នៅតែអង្គុយនៅមាត់ទ្វារ រង់ចាំម្ចាស់ដែលទៅបាត់គ្មានថ្ងៃត្រឡប់វិញ។
រូបភាពមួយសន្លឹកនេះ បានបង្ហោះអមជាមួយសារដែលសរសេរថា៖ “ Nala (សត្វសុនខ) ក៏កំពុងរង់ចាំអ្នកដែរ) ប្រៀបដូចជាមានអត្ថន័យថា គ្រប់គ្នាកំពុងរង់ចាំឱ្យមានអព្ភូតហេតុអស្ចារ្យណាមួយកើតឡើងដូច្នោះដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]