ថ្ងៃចូលឆ្នាំចិនគ្រប់គ្នា សែនជួបជុំពេញផ្ទះ តែដួង វីរៈសិទ្ធ និងប្អូនប្រុស បានត្រឹមសែនមុខរូបថតឪពុក!

ភ្នំពេញ៖ នៅថ្ងៃទី៤ ខែកុម្ភៈ ឆ្នាំនេះ គឺជាថ្ងៃសែនចូលឆ្នាំប្រពៃណីចិន ដែលមានមនុស្សជាច្រើន ស្ទើរតែទូទាំងពិភពលោក ដែលមានជាប់ខ្សែស្រឡាយចិន គឺពួកគេសុទ្ធសឹងតែបានប្រារព្ធធ្វើពិធីសែននេះ នៅគេហដ្ឋារបស់ពួកគេជានិច្ច មិនតែប៉ុណ្ណោះ ថ្ងៃនេះក៏ជាថ្ងៃដែលសាច់ញាតិនិងក្រុមគ្រួសារទាំងអស់ បានមកជួបជុំគ្នារីករាយអបអរ ក្នុងថ្ងៃសែនចូលឆ្នាំចិនផងដែរ។

ដោយឡែក ងាកមកចាប់អារម្មណ៍ពីថ្ងៃសែនរបស់ តារាចម្រៀងប្រុសសម្លេងក្រអួនក្រអៅ លោក ដួង វីរៈសិទ្ធ ឯនេះវិញ អាចនិយាយបានថា រៀងកម្សត់ក្តុកក្តួលបន្តិច ដោយសារតែលោកមិនបានជួបជុំគ្រួសារ ដូចជាគេឡើយ។ 

នេះបើយោងតាមការបង្ហោះរបស់ តារាប្រុសរូបនេះ បានសរសេរថា៖ «រីករាយក្នុងទិវាចូលឆ្នាំប្រពៃណីចិន....លោកពុកនិងខ្ញុំខ្មែរ..តែខ្ញុំក៏មានម្ហូបអាហារសម្រាប់លោកពុកដែរ.......។»ថែមទាំងមានអមមកជាមួយនឹង រូបមួយសន្លឹកជាមួយប្អូនប្រុស រៀបចំម្ហូបអាហារមួយចំនួន សែនឧទ្ទិសនៅចំពោះមុខរូបថតលោកឪពុកដែលបានចែកឋានទៅថែមទៀតផង។

យ៉ាងណាមិញ ក្រោយពីបានឃើញរូបថត ក៏ដូចជាសារ ដែលតារាប្រុសរូបនេះបង្ហោះ បានធ្វើឲ្យអ្នកគាំទ្រ ក៏ដូចជាប្រិយមិត្តទស្សនិកជនជាច្រើន មានភាពក្តុកក្តួលរំជួលចិត្ត ចំពោះលោកជាខ្លាំង៕ 

• ដួង វីរៈសិទ្ធ
• គ្រួសារ
• តារាខ្មែរ