អត់ដឹងមើលរឿងអីនៅថ្ងៃចូលឆ្នាំចិន? តោះ! មកទស្សនារឿង «អ្នកប្រមាញ់ឆ្លងភព» នៅក្នុងរោងភាពយន្តទាំងអស់គ្នា! (មានវីដេអូ)

ភ្នំពេញ៖ សម្រាប់អ្នកដែលចូលចិត្តរឿងប្រភេទបែបកំប្លែងៗ ឈុតឆាកប្រយុទ្ធ ស្នេហា ជាពិសេសគឺដំណើរផ្សងព្រេងតាមបង្ក្រាប និងកំចាត់បិសាចនោះ ឥឡូវនេះគឺត្រូវចិត្តហើយជាមួយខ្សែភាពយន្តរបស់លោក ឈិន ឡុង ឬ Jackie Chan គឺរឿង «អ្នកប្រមាញ់ឆ្លងភព» ដែលចូលរួមសម្ដែងដោយតារាល្បីៗជាច្រើនដូចជាលោក លីន ប៉ាយហុង កញ្ញា ចុង ឈូស៊ី និងលោក យាន ជីងធាន។ 

ខ្សែភាពយន្តនេះ ជាប្រភេទរឿងបែបព្រេងនិទាននៅក្នុងសម័យបុរាណចិន ដែលរួមបញ្ចូលទៅដោយឈុតឆាកប្រយុទ្ធរវាង ឈិន ឡុង (ជាអ្នកប្រមាញ់បិសាច) មកជួយដោះស្រាយរឿងក្ដី និងតាមបង្ក្រាបពពួកអមនុស្សដែលមកបង្កចលាចលដល់ប្រជាជននៅក្នុងភូមិជាមួយនឹងជក់ញី-ឈ្មោលរបស់គាត់។ 

មិនត្រឹមតែប៉ុណ្ណោះលោកក៏បានទុកបិសាចចិត្តល្អតាមខ្លួន ដើម្បីជួយបង្ក្រាបបិសាចចិត្តអាក្រក់ដែលប៉ុនប៉ងធ្វើបាបប្រជាជន។ ដោយឡែកមានបិសាចសាហាវ ដែលមកអុកឡុក និងចាប់យកក្មេងស្រីនៅក្នុងភូមិរបស់គាត់ ជាហេតុធ្វើឲ្យមានការបាត់ខ្លួនក្មេងស្រីអាយុ ១៦ ឆ្នាំ ជាច្រើននៅក្នុងភូមិ។ 

តើគាត់នឹងធ្វើយ៉ាងណាដើម្បីបង្ក្រាបបិសាចទាំងនេះ ហើយជួយក្មេងស្រីដែលបាត់ខ្លួនទាំងនោះមកវិញ? បើចង់ដឹងអំពីសង្គ្រាមរវាងបិសាច និងមនុស្សនេះ កុំភ្លេចមកទស្សនារឿង «អ្នកប្រមាញ់ឆ្លងភព» ដែលនឹងមានចាក់បញ្ចាំងនៅគ្រប់រោងភាពយន្តនៅថ្ងៃទី ០៥ ខែកុម្ភៈ ដែលត្រូវជាថ្ងៃបុណ្យចូលឆ្នាំចិននេះហើយ៕

ទស្សនា Trailer នៅទីនេះ៖

ដើម្បីទទួលបានព័ត៌មានលំអិតពីភាពយន្តនេះ និងព័ត៌មានផ្សេងៗទៀតទាក់ទងនឹង ភាពយន្តដែលលោកអ្នកចូលចិត្ត អាចចូលទៅកាន់ចៃកុនតាមរយៈ www.cinema.com.kh ឬតាមប្រព័ន្ធបណ្តាញសង្គមដូចជា: www.facebook.com/JaiKon.Cambodia, www.youtube.com/JaiKonCambodia ហើយក៏អាច add ចៃកុនជាមិត្តក្នុងកម្មវិធី LINE ដែលមាន ID: @JAIKON ដើម្បីទទួលបានរង្វាន់ដូចជាសំបុត្រកុន និងរបស់ពីភាពយន្តជារៀងរាល់សប្តាហ៍។ 

• ភាពយន្ត
• វីដេអូ