ខេត្តក្រចេះ ៖ ជនដៃដល់ដែលបានធ្វើសកម្មភាពយកដំបងវាយសម្លាប់ជីតាហើយចោលសាកសពនៅក្នុងព្រៃត្រូវបាននគរបាលស្រុកស្នួល ស្រាវជ្រាវចាប់ខ្លួនបាន បន្ទាប់ពីបានបង្ក ហេតុ និងរត់គេចខ្លួនបានរយៈពេល៧ថ្ងៃ ។
នគរបាលនិយាយថា នគរបាលបានប្រើរយៈពេលចុះស្រាវជ្រាវមួយថ្ងៃ និងបានស្វែករកចាប់ខ្លួនជនរងគ្រោះបានបន្ទាប់ពីមានការភ្ញាក់ផ្អើលនៅពេលមានការប្រទះឃើញសាកសពបុរសម្នាក់ដេកស្លាប់នៅកណ្តាលព្រៃ ចំនុចគោកសុភី ក្នុងភូមិឃ្សឹម ស្រុកស្នួល កាលពីថ្ងៃទី២ ខែកុម្ភៈនេះ ។
អធិការនគរបាលស្រុកស្នួលលោកវរសេនីយ៍ឯក ចាន់ សុខគីម បានប្រាប់ឲ្យដឹងថា សាកសពរបស់បុរសរងគ្រោះ ត្រូវបានគេប្រទះឃើញក្នុងសភាពហើមស្អុយ ។ បន្ទាប់ពីរងការ វាយសម្លាប់ពីជនដៃដល់រយៈពេល៧ថ្ងៃ ។
លោកអធិការថា ជនសង្ស័យដៃដល់ឈ្មោះ រុំ រ៉េន អាយុ២៧ឆ្នាំ មានទីលំនៅឃុំស្រែចារ ស្រុកស្នួល ។ ជននេះ បានធ្វើសកម្មភាពយកដំបងវាយសម្លាប់បុរសរងគ្រោះមានវ័យចំណាស់ ដែលត្រូវជាជីតារបស់ជនដៃដល់ ដោយឱពុកជនដៃដល់ជាក្មួយ របស់ជនរងគ្រោះ។
លោកវរសេនីយ៍ឯក ចាន់ សុខគីម បានឲ្យដឹងទៀតថា កាលពីរយៈពេល៧ថ្ងៃមុនជនដៃ ដល់បានបបួលបុរសរងគ្រោះជាជីតាចូលព្រៃ ដើម្បីបបាញ់សត្វ ។ ពេលទៅដល់ព្រៃជនដៃដល់បានដឹងថា បុរសរងគ្រោះជាជីតាមានលុយច្រើន ក៏ធ្វើសកម្មភាពវាយសម្លាប់ ដោយប្រើដំបង ហើយទុកសាកសពនៅចោលក្នុងព្រៃ ហើយក៏យកម៉ូតូ និងលុយក្នុងហោប៉ៅរបស់ជនរងគ្រោះរួចគេចខ្លួន ។
លោកថា ក្រោយការប្រទះឃើញសាកសពនៅក្នុងព្រៃ នគរបាលបានចុះពិនិត្យមើលដល់កន្លែងកើតហេតុ និងកំណត់ការស្រាវជ្រាវ ។ ក្រោយការចុះស្រាវជ្រាវរយៈពេល១ថ្ងៃក៏ឈានដល់ការកំណត់លើមុខសញ្ញា និងតាមចាប់ខ្លួនជនដៃដល់រូបនេះបាន ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
