ខ្ញីចាស់កាន់តែហឹរ! Ronaldo បង្ហាញថា “អាយុគ្រាន់តែជាតួលេខ” ក្រោយស៊ុត ២គ្រាប់ឱ្យ Juventus យប់មិញ (មានវីដេអូ)

អ៊ីតាលី៖ កីឡាករលំដាប់កំពូល Cristiano Ronaldo ត្រៀមនឹងឈានចូលដល់វ័យ ៣៤ឆ្នាំនៅសប្តាហ៍ក្រោយនេះហើយ ក៏ប៉ុន្តែរូបគេហាក់បីដូចជាបង្ហាញភាពស្វាហាប់ និងរឹងមាំដដែល បើមើលទៅលើទម្រង់លេងរបស់កីឡាកររូបនេះទល់នឹងក្លិប Parma កាលពីយប់មិញ។ ជាក់ស្តែង Ronaldo អាចរកគ្រាប់បាល់បាន ២គ្រាប់ក្នុងជំនួបដែល Juventus ស្មើគ្នាជាមួយ Parma ៣-៣។

គ្រាប់បាល់គួរឱ្យចាប់អារម្មណ៍បំផុតរបស់ Ronaldo គឺជាគ្រាប់ទី១ កាលពីយប់មិញនេះដែលជាការបញ្ជូនបាល់យ៉ាងល្អពីកីឡាករ Matudi។  Ronaldo សឹងតែបាត់បង់ជំហរស៊ុតទៅហើយ តែគេអាចកែប្រែស្ថានការណ៍រហូតដល់បំប៉ោងសំណាញ់ទីបានសម្រេច។

គិតត្រឹមសប្តាហ៍ទី ២២ នៅ Series A កីឡាករសញ្ជាតិព័រទុយហ្គាល់រូបនេះ រកគ្រាប់បាល់ឱ្យ Juventus បាន ១៧គ្រាប់ និងបញ្ជូនឱ្យមិត្តរួមក្រុមស៊ុតបាន ៥គ្រាប់ហើយ៕

សូមទស្សនាវីដេអូខាងក្រោមនេះ៖