ខេត្តសៀមរាប ៖ តាមសេចក្តីរាយការណ៍ព័ត៌មានបឋមបានឱ្យដឹងថា មានករណីអគ្គីភ័យបានឆាបឆេះផ្ទះមួយខ្នងកាលពីវេលាម៉ោង១០និង៣០នាទីព្រឹកថ្ងៃទី២ ខែកុម្ភៈ ឆ្នាំ២០១៩ ស្ថិតក្នុងភូមិប្រឡាយ ឃុំខ្នាត ស្រុកពួក ខេត្តសៀមរាប ។
ម្ចាស់ផ្ទះរងគ្រោះឈ្មោះ មាស កែម ភេទប្រុស អាយុ៧០ឆ្នាំ មុខរបរកសិករ មានសមាជិកក្នុងគ្រួសារចំនួន៦នាក់ ក្នុងនោះស្រីចំនួន៣នាក់។
ផ្ទះកើតហេតុខាងលើសង់អំពីឈើលើ ថ្មក្រោម ដំបូលប្រក់ក្បឿង ជញ្ជាំក្តារ បណ្តោយ៩ម៉ែត្រ គុណនឹងទទឹង៨ម កំពស់២,៥០ម៉ែត្រ។
ក្នុងហេតុការណ៍អគ្គិភ័យឆាបឆេះផ្ទះខាងលើបណ្តាលឱ្យរងការខូចខាតរួមមានផ្ទះមួយខ្នងអស់ទាំងស្រុង គោយន្តកន្ត្រៃ ១គ្រឿង ប្រាក់ខ្មែ២លានរៀល ប្រាក់ដុល្លា៨០០ដុល្លារ ស្រូវ-អង្ករ និងសម្ភារៈប្រើប្រាស់ផ្សេងៗ ទាំងស្រុង។
ក្នុងពេលកំពុងកើតហេតុខាងលើ រថយន្តពន្លត់អគ្គីភ័យបានជួយអន្តរាគន៍ប្រើប្រាស់រថយន្តពន្លត់អគ្គីភ័យចំនួន៤គ្រឿង(រថយន្តរបស់អធិការដ្ឋានស្រុកមួយគ្រឿង និងរថយន្តរបស់ស្នងការនគរបាលខេត្តចំនួន០៣គ្រឿង)ប្រើប្រាស់ទឹកចំនួន៤ឡាន។
ចំពោះមូលហេតុគឺបណ្តាលមកពីម្ចាស់ផ្ទះដុតធូបបួងសួងសុំសេចក្តីសុខនៅកន្លែងតម្កល់ស្លាធម៌ និងបាយសី ក៏បង្កឱ្យមានអគ្គិភ័យឆាបឆេះផ្ទះអស់ទាំងស្រុងតែម្តង៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]