អេស្ប៉ាញ៖ កីឡាករ Lionel Messi ត្រូវបានប្តូរចេញនៅតង់ទី ២ ដោយសារបញ្ហារបួសភ្លៅខាងស្តាំក្នុងជំនួបរវាង Barcelona ទល់នឹង Valancia ដោយលទ្ធផល ២-២ កាលពីយប់មិញ។
គ្រូបង្វឹករបស់ Barcelona លោក Ernesto Valverde បានប្រាប់ឱ្យដឹងក្រោយការប្រកួតយប់មិញនេះថា៖ “Messi បានជួបបញ្ហារបួសតិចតួច ហើយខ្ញុំក៏មិនទាន់ប្រាកដថាគេរបួសអ្វីដែរ។ ក្លិបនឹងរង់ចាំលទ្ធផលពីក្រុមគ្រូពេទ្យជាមុនសិន បើសិនជា Messi មិនមានបញ្ហាអ្វីទេនោះ គេ (Messi) នឹងអាចបង្ហាញខ្លួនសម្រាប់ជំនួបទល់នឹង Real Madrid នៅថ្ងៃពុធនេះ”។
ដោយឡែកក្រុមគ្រូពេទ្យរបស់ Barcelona បានបញ្ជាក់ឱ្យដឹងពីបញ្ហារបួសរបស់ Messi ក្រោយបញ្ចប់ការប្រកួតផងដែរ។ ក្លឹបបានបញ្ជាក់ថា Messi របួសត្រង់ភ្លៅខាងស្តាំ ប៉ុន្តែមិនធ្ងន់ធ្ងរទេ ហើយគេនឹងមកចូលរួមហ្វឹកហាត់នៅថ្ងៃចន្ទសប្តាហ៍ក្រោយ ដើម្បីបញ្ជាក់កាន់តែច្បាស់ពីស្ថានភាពរបស់គេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]