អាមេរិក៖ ម្តាយម្នាក់មានការសោកស្តាយជាខ្លាំង បន្ទាប់ពីយកកែវរបស់កូនឱ្យគេ ដោយមិនដឹងថាកែវនោះមានលុយនៅខាងក្នុង កំពុងតែទទួលបានការចាប់អារម្មណ៍ជាខ្លាំងពីសំណាក់អ្នកប្រើប្រាស់បណ្តាញសង្គម។
លោក Devon Silvey អាយុ ២៧ឆ្នាំ រស់នៅទីក្រុង Atlanta រដ្ឋ Georgia សហរដ្ឋអាមេរិក បានលក់ឡានរបស់លោក ហើយបម្រុងនឹងយកលុយទៅដាក់ក្នុងធនាគារ ប៉ុន្តែដោយសារធនាគារបានបិទទ្វារ ដូច្នេះលោកក៏ដាក់លុយទាំងនោះចូលទៅក្នុងកែវរបស់លោក ដោយគិតថាវាមានសុវត្ថិភាព ហើយចាំស្អែកចាំយកលុយទាំងនោះទៅដាក់ក្នុងធនគារ។
ម្តាយរបស់លោកឈ្មោះ Lindsay Preiss ទើបតែបានអានសៀវភៅរួចដែលមានចំណងជើងថា «The Life Changing Magic of Tidying Up» ដែលនៅក្នុងសៀវភៅនោះបានរៀបរាប់ពីជីវិតផ្លាស់ប្តូរទាំងស្រុង នៅពេលដែលយើងរៀនសំអាតផ្ទះ និងបរិយាកាសជុំវិញខ្លួនយើង។
ដូច្នេះបន្ទាប់ពីអានចប់ អ្នកស្រី Lindsay ក៏បានអនុវត្តតាមគោលការណ៍នៅក្នុងសៀវភៅ ដោយរៀបចំផ្ទះ និងបោះចោលរបស់ដែលអត់ប្រយោជន៍ និងរបស់មិនសូវប្រើប្រាស់នានា ដោយក្នុងនោះមានកែវរបស់កូនអ្នកស្រីផងដែរ ដោយគិតថាគេមិនសូវប្រើកែវនោះ។
ដូច្នេះអ្នកស្រីបានយករបស់របរដែលពុំសូវប្រើប្រាស់ រួមទាំងកែវនោះយកទៅបរិច្ចាគនៅហាងមួយកន្លែងឈ្មោះ Goodwill (ដែលជាហាងលក់របស់របរមួយទឹក)។ ក្រោយមកពេលដឹងរឿងនេះក៏ផ្អើលឆោឡោ ក៏ទៅទាក់ទងអ្នកគ្រប់គ្រងហាង Goodwill នោះ តែជាអកុសលកែវនោះត្រូវបានអ្នកផ្សេងទិញយកទៅប្រើប្រាស់រួចហើយ នេះបើយោងតាមកាមេរ៉ាសុវត្ថិភាពនៅទីនោះ។
យ៉ាងណាមិញ លោក Devon បាននិយាយថា៖
«ដំបូងឡើយ ខ្ញុំស្មានតែម៉ាក់ខ្ញុំនិយាយលេងសើចដាក់ខ្ញុំ គាត់គិតថា ខ្ញុំមានការសោកស្តាយដែលកែវរបស់ខ្ញុំបានបាត់ តែអ្វីដែលសំខាន់នោះគឺលុយនៅក្នុងកែវនោះទេ។ ខ្ញុំបានដាក់លុយលក់ឡានចំនួន ៦,៥០០ ដុល្លារចូលទៅក្នុងនោះ។»
ដោយឡែក អ្នកស្រី Lindsay ក៏បាននិយាយថា៖
«ខ្ញុំមានអារម្មណ៍ថា ខ្ញុំគឺជាម្តាយអាក្រក់បំផុតនៅលើលោកនេះ ខ្ញុំពិតជាមានការសោកស្តាយជាខ្លាំងដែលខ្ញុំបានធ្វើរឿងមួយនេះ។ ចុងក្រោយខ្ញុំគ្រាន់តែសង្ឃឹមថា បើអ្នកដែលទិញកែវនោះយកទៅប្រើប្រាស់ ឃើញព័ត៌មានមួយនេះ សូមយកត្រលប់ឱ្យពួកខ្ញុំវិញផង ខ្ញុំពិតជាដឹងគុណខ្លាំងណាស់៕»
ចង់ជ្រាបច្បាស់ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]