អូស្ត្រាលី៖ ទារកកើតមិនគ្រប់ខែ (៥ខែកន្លះ) អាចបន្តរស់រានមានជីវិតបាន បន្ទាប់ពីគ្រូពេទ្យដាក់ក្នុងថង់ប្លាស្ទិកដោយការបញ្ចូលអុកស៊ីសែន។
យោងតាមសារព័ត៌មាន Daily mail ចេញផ្សាយ ថ្ងៃទី៣០ ខែមករា ឆ្នាំ២០១៩ បានឲ្យដឹងថា ទារកឈ្មោះ Leighton ជាទារកម្នាក់ដែលកើតក្នុងសប្តាហ៍ទី២៣ (ស្មើនឹង៥ខែកន្លះ)។ បន្ទាប់ពីកើតភ្លាម ក្រុមគ្រូពេទ្យបានយកទៅដាក់ក្នុងថង់ប្លាស្ទិកនិងបញ្ចូលអុកស៊ីសែនដើម្បីជួយសម្រួលដល់សួតរបស់គេ។
យោងតាមប្រសាសន៍អ្នកស្រី Bree Viner ម្តាយបង្កើតទារកខាងលើបាននិយាយថា “ខ្ញុំពិតជាមានភាពភ័យខ្លាចខ្លាំងណាស់។ ពេល Leighton កើតមក ខ្ញុំពិតចង់យកដៃទៅប៉ះគេណាស់។ តែបើខ្ញុំប៉ះ ខ្ញុំហាក់ដូចជាធ្វើឲ្យ Leighton មានគ្រោះថ្នាក់ដោយសារដៃខ្ញុំអីចឹង ព្រោះវាពិតជាតូចខ្លាំងមែនទែន”។
គ្រូពេទ្យបានសួរយោបល់អ្នកស្រី Viner ម្តងហើយម្តងទៀត ដើម្បីឲ្យនាងធ្វើការសម្រេចចិត្តឲ្យបានច្បាស់ពាក់ព័ន្ធនឹងការដាក់ទារកក្នុងថង់ប្លាស្ទិកហើយបញ្ចូលអុកស៊ីសែន ព្រោះវាអាចមានបញ្ហាខ្លះមើលមិនឃើញកើតឡើងនៅរយៈពេលវែង។
ជាទូទៅការដាក់ទារកក្នុងថង់ប្លាស្ទិកហើយបញ្ចូលអុកស៊ីសែន ជាវិធីសាស្ត្រមួយអាចជួយសង្គ្រោះទារកដែលកើតមិនគ្រប់ខែឲ្យបន្តរស់រានមានជីវិតបាន។ ឥឡូវនេះទារក Leighton មានអាយុ៨ខែហើយ។ មិនតែប៉ុណ្ណោះ សុខភាពនិងរាងកាយក៏មាំមួន ហើយមិនមានទទួលរងបញ្ហាអ្វីនោះទេ៕
មានវីដេអូនៅខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]