នៅចាំរឿង “A Little Thing Call Love” តួ Mario និង Baifern អត់? ពេលនេះ ចិនទិញសិទ្ធិ ថតម្តងទៀត ឯចំណែកតួឯកគឺសមាជិក Wanna One

ចិន៖ បើនិយាយពីរឿងថៃដ៏ល្បីកាលពីជាង១០ឆ្នាំមុន ដែលមានលោក Mario និងនាង Baifern សម្តែងជាតួឯក មានចំណងជើងថា៖ «A Little Thing Called Love» ប្រិយមិត្តមួយចំនួន ប្រាកដជាមិនទាន់ភ្លេចនោះទេ។

យ៉ាងណាមិញ នៅពេលនេះ ខ្សែភាពយន្តដ៏ល្បីមួយនេះ ត្រូវបានផលិតកររបស់ប្រទេសចិន សុំសិទ្ធិទិញយកមកថតបន្តហើយ។ ដោយប្រភពទាំងនេះផ្អែក​លើវេបសាយដ៏ល្បីរបស់ប្រទេសថៃ មានឈ្មោះថា Daradaily។

ម៉្យាងវិញទៀត តាមប្រភពបន្តបានឲ្យដឹងទៀតថា ផលិតករចិន បានជ្រើសរើសតារាចម្រៀងកូរ៉េដ៏ល្បី ដែលជាអតីតសមាជិកក្រុម Wanna One លោក Lai Kuanlin ឲ្យសម្តែងធ្វើជាតួ​ឯកផងដែរ ឯចំណែកតួឯកស្រី ផលិតករមិនទាន់បង្ហាញមុខនោះទេ។

យ៉ាងណាក្តី ផលិតករប្រទេសចិនបានផលិតរឿងនេះ រួចរាល់មកហើយ ហើយពួកគេនឹងគ្រោងចាក់បញ្ចាំងនៅក្នុងឆ្នាំនេះផងដែរ ក៏ប៉ុន្តែគេមិនទាន់ដឹងច្បាស់នៅឡើយទេថា សម្រាប់ Version ថ្មីនេះ នឹងដូច Version ចាស់ទាំងស្រុង  ឬផ្លាស់ប្តូរនោះទេ។

ដូច្នេះហើយ ប្រិយមិត្តមានតែរង់ចាំតាមដានបន្តទាំងអស់គ្នា ក្នុងពេលឆាប់ៗខាងមុខនេះ៕

តើប្រិយមិត្តយល់យ៉ាងណាដែរ?

• តារាចិន