ភ្នំពេញ៖ កាលពីម្សិលមិញគឺជាពិធីបុណ្យគម្រប់៧ថ្ងៃរបស់ តារាចម្រៀងកញ្ញា ខេមរៈ ស្រីពៅ។ ក្នុងនោះដែរ គេសង្កេតឃើញថា សម្រាប់ពិធីបុណ្យ៧ថ្ងៃនេះ ក៏មានតារាៗជាច្រើនបានចូលរួម យ៉ាងច្រើនកុះករផងដែរ។
យ៉ាងណាមិញ គ្រាន់តែពិធីបុណ្យ៧ថ្ងៃរបស់កញ្ញា ខេមរៈ ស្រីពៅ បានបញ្ចប់ភ្លាម ស្រាប់តែហ្វេសប៊ុកផេក របស់កំពូលតារាចម្រៀងលោក ខេមរៈ សិរីមន្ត បានបង្កការភ្ញាក់ផ្អើលយ៉ាងខ្លាំង ដោយរូបលោកបានបង្ហោះសារយ៉ាងច្រើន ទាំងកណ្តាលយប់ដើម្បីបញ្ជាក់ពីការកាន់ទុក្ខរបស់ខ្លួន ចំពោះប្អូនស្រីជាទីស្រលាញ់។
ក្នុងនោះដែរ លោក ខេមរៈ សិរីមន្ត បានសរសេរសារបែបនេះថា៖ “ខ្ញុំបាទខេមរៈ សិរីមន្តសូមប្រកាសធ្វើការកាន់ទុក្ខប្អូនស្រីចំនួន១០០ថ្ងៃនិងមិនទទួលការច្រៀង ឬ សម្តែងឡើយ ហើយសូមអគុណដល់ក្រុមហ៊ុនទាំងអស់ ដែលបានយោគយល់ដល់រូបបាទដែលកំពុងតែមានទុក្ខក្រៀមក្រំជាទម្ងន់ ដោយលុបចោលខនសឺតហើយមិនមានការសងការខូចខាតឡើយ សូមអរគុណ”។
ផ្អែកលើសារទាំងនេះ បានឲ្យមហាជនដឹងថា នៅពេលនេះលោក ខេមរៈ សិរីមន្ត សម្រេចលុបចោល និងមិនទទួលខនសឺតអ្វីទាំងអស់រហូតរយៈពេល ១០០ថ្ងៃ ព្រោះដើម្បីកាន់ទុក្ខដល់ប្អូនស្រីដ៏កម្សត់របស់ខ្លួន កញ្ញា ខេមរៈ ស្រីពៅ។
ក្រោយពីឃើញបែបនេះ មហាជនពិតជាសម្តែងការអាណិតអាសូរដល់រូបលោកជាខ្លាំង មិនត្រឹមតែប៉ុណ្ណោះ ក៏មានមហាជនមួយចំនួនបាននិយាយថា នេះជាទឹកចិត្តបងប្រុសដ៏សែនល្អ ដែលហ៊ានលះបង់អ្វីៗគ្រប់យ៉ាង ដើម្បីប្អូនស្រីជាទីស្រលាញ់របស់ខ្លួន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]