ភ្នំពេញ៖ បទចម្រៀង «អ្នកណាកែចិត្តបង» នៅតែមានអត្ថន័យជ្រាលជ្រៅ និងពីរោះរណ្តំក្នុងចិត្តអ្នកស្តាប់ ហើយថ្មីៗនេះស្រាប់តែតារាចម្រៀងលោក គីម ថាណា banធ្វើឱ្យមានការចាប់អារម្មណ៍ខ្លាំងថែមទៀត បន្ទាប់ពីបញ្ចេញបទចម្រៀងឆ្លើយឆ្លងក្រោមចំណងជើងថា «គ្មានអ្នកណាកែចិត្តបង» ដែលជារសជាតិថ្មី។ បទចម្រៀងរបស់លោក គឺជា MV វគ្គ ២ ហើយសូម្បីសាច់រឿងក៏ទាក់ទាញចិត្តទស្សនិកមិនធម្មតាដែរ។
បទ «គ្មានអ្នកណាកែចិត្តបង» នេះ គឺបទចម្រៀងវគ្គ ២ ក្រោមការសហការរបស់ផលិតកម្ម Zone និងផលិតកម្ម BN ហើយត្រូវបាននិពន្ធអត្ថន័យឆ្លើយតបនឹងបទដើម តែមានខ្លឹមសារខុសពីបទ «គ្មានអ្នកណាកែចិត្តបង» របស់លោក ប៊ុត សីហា។
លោក គីម ថាណា បានបង្ហាញពីការរំពឹងយ៉ាងខ្លាំង បន្ទាប់ពីផេករបស់ផលិតកម្មដាក់បង្ហោះ និងមានអ្នកចូលទៅទស្សនាជាច្រើន។ MV របស់លោក ត្រូវបានគេកត់សម្គាល់ថាមានសាច់រឿងតភាគនឹងបទចម្រៀងស្រី ដោយបទចម្រៀងលោកត្រូវបានផលិតឡើងក្រោមការជ្រោមជ្រែងបន្ថែមពីក្រុមហ៑ុនអាដេ។
លោក សរ បូរ៉ា តំណាងផលិតផលអាដេបានថ្លែងបញ្ជាក់ថា ក្រុមហ៑ុនរបស់លោក បានជួយផលិតបទចម្រៀងនៅក្នុងផលិតកម្ម BN បានចំនួន ២ បទហើយ ដោយបទទី១ គឺបទ «អ្នកណាកែចិត្តបង» (បទស្រី) និងបទទី ២ គឺបទ «គ្មានអ្នកណាកែចិត្តបង» (បទប្រុស) ដែលច្រៀងដោយលោក គីម ថាណា។
លោកថាក្រុមហ៑ុនអាដេ ចង់រួមចំណែកផលិត MV លើកស្ទួយក្នុងវិស័យចម្រៀងខ្មែរទើបក្រុមហ៑ុនរបស់លោកសម្រេចចិត្តបោះទុន។ ម្យ៉ាងមកពីបទចម្រៀង «អ្នកណាកែចិត្តបង» ជាបទដែលមានមហាជនភាគច្រើនគាំទ្រ ទើបក្រុមហ៑ុនរបស់លោកសប្បាយចិត្តក្នុងការជ្រោមជ្រែងផលិតបន្តទៀត។
គួរឱ្យដឹងផងដែរថា MV មួយបទនេះចូលរួមសម្ដែងដោយលោក ប្រាក់ ផាកន កញ្ញា ទីទី និងកញ្ញា គីម សៀវឡាម ៕
តោះកុំឱ្យខាតពេលយូរយើងមកទស្សនា MV បទចម្រៀង «គ្មានអ្នកណាកែចិត្តបង» ដែលជាសំនៀងរបស់លោក គីម ថាណា ទាំងអស់គ្នាដូចខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]