ភ្នំពេញ៖ កាលពីមិនប៉ុន្មានថ្ងៃមុននេះ តារាស្រី សុខ ស្រីលក្ខ័ណ៍ ដែលគ្រប់គ្នាស្គាល់ថាជាប្អូនស្រីបង្កើតរបស់ តារាចម្រៀងស្រីប្រចាំផលិតកម្ម រស្មីហង្សមាស កញ្ញា សុខ សីឡាលីន ត្រូវគេបង្ហោះនូវរូបថតមុនរៀបការ Pre-Wedding យ៉ាងស្រស់ស្អាតជាច្រើនសន្លឹកនៅលើ គណនីសង្គមហ្វេសប៊ុក ។
មិនតែប៉ុណ្ណោះ អ្វីដែលគួរឲ្យចាប់អារម្មណ៍ជាងនេះទៅទៀតនោះ អនាគតកូនកម្លោះរបស់កញ្ញា សុខ ស្រីលក្ខ័ណ៍ ត្រូវបានគេស្គាល់ថាជាប្អូនប្រុស មេក្រុមចចកសមុទ្រ និងជាអ្នកនិពន្ធបទចម្រៀងល្បីឈ្មោះមួយរូប ដែលលោកមានឈ្មោះថា អ៊ុក រួនផងដែរ។ តួយ៉ាង វេលាចូលរោងការសិរីមង្គលរបស់អ្នកទាំងពីរ នឹងប្រារព្ធធ្វើឡើងនៅក្នុងពេលឆាប់ៗខាងមុខនេះហើយ ពោលគឺនឹងធ្វើឡើងនៅថ្ងៃ ទី១២ ខែកុម្ភៈ ឆ្នាំ២០១៩ នៅឯអគារវិមានពិភពថ្មី សែនសុខ។
បន្ថែមពីនេះ ក្រោយពីឮដំណឹងរៀបការ របស់ប្អូនស្រីភ្លាម ក្នុងនោះក៏មានអ្នកគាំទ្រជាច្រើន ក៏បាននិយាយលលេងទៅកាន់ កញ្ញា សុខ សីឡាលីន ផងដែរ ដោយសង្ឃឹមថានាងនឹងប្រកាសដំណឹងល្អ ចូលរោងការឆាប់ៗខាងមុខនេះ កុំឲ្យចាញ់ប្អូនស្រីរបស់នាងផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]