មិនដឹងជាយ៉ាងណាទេ ពេលនេះ នាយក្ដិប ត្រូវបញ្ជូនមក ខ្មែរវិញហើយ

ភ្នំពេញ៖ បន្ទាប់ពីតារាកំប្លែង នាយ ក្ដិប ត្រូវបានបញ្ជូនទៅសម្រាប់ព្យាបាលនៅឯប្រទេស ថៃ នោះធ្វើឲ្យទស្សនិកជនជាច្រើន មានការភ្ញាក់ផ្អើលយ៉ាងខ្លាំង ពីស្ថានភាពជំងឺ របស់លោក ដែលមានសភាពទ្រុឌទ្រោម មិនធូរស្រាលសោះ ។

បើទោះបីជាយ៉ាងនេះក៏ដោយ ក្រុមគ្រួសាររបស់លោក នៅតែព្យាយាមស្វែងរក ជំនួយក្នុងការព្យាបាលជំងឺ របស់នាយ ក្តិប គ្រប់មធ្យោបាយទាំងអស់ ។

ជាក់ស្ដែង កាលពីប៉ុន្មានម៉ោងមុននេះ គេសង្កេតឃើញមានការសម្ដែងអារម្មណ៍សោកសៅជាច្រើន ក្រោយគណនីហ្វេសប៊ុក កូនស្រី តារាកំប្លែង នាយ ក្ដិប បានបង្ហោះសារពីស្ថានភាព ជំងឺ របស់ ឪពុកខ្លួន ថាមិនបានជាសះស្បើយទេ ហើយនឹងមកខ្មែរវិញថ្ងៃនេះ។

នៅក្នុងសារនោះផងដែរ នាង បានសរសេថា៖«29.01.2019សូមអោយការវិលត្រឡប់របស់ ឳ ប្រកបដោយសុវត្តិភាពផងចុះ ឳក្ដឹប ត្រឡប់មកផ្ទះវិញហើយសូមអោយ ឳ ឆាប់ជាពីជំងឺណា ឳ។ម៉ែគាត់និងព្យាយាមទោះពេទ្យថៃ និយាយថាយ៉ាងម៉េចក៏ដោយក៏ម៉ែនៅតែព្យាយាមមើលថែ ឳ ដែរ ឳ ត្រូវតែតស៊ូណា ដើម្បីកូនៗនិងម៉ែឳ មិនត្រូវទៅណាទេលឺទេ ឳ នាយ (ក្ដឹប)តារាកំប្លែងជើងចាស់ ទោះល្បីខ្លាំងតែមិនសុះសាយ »៕

• នាយក្តឹប
• តារាខ្មែរ