រាជធានីភ្នំពេញ ៖ បុរសម្នាក់ និងស្រីស្នេហ៍បានរងរបួសដូចគ្នាក្នុងហេតុការណ៍គ្រោះថ្នាក់ចរាចរណ៍មួយកើតឡើងកាលពីវេលាម៉ោង១រំលងអធ្រាត្រឈានចូលថ្ងៃទី៣១ ធ្នូ ២០១១ នៅចំណុចខាងកើតស្ថានីយ៍ប្រេងឥន្ទៈសូគីមិចតាមបណ្ដោយផ្លូវកម្ពុជាក្រោម ស្ថិតក្នុងសង្កាត់មិត្ដភាព ខណ្ឌ៧មករា ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលគ្រោះថ្នាក់គេឃើញបុរសរងគ្រោះបើកម៉ូតូម៉ាកស្ទេបដឹកស្រីស្នេហ៍ ធ្វើដំណើរពីលិចទៅកើត ក្នុងល្បឿនលឿន។ លុះមកដល់ចំណុចកើតហេតុក៏ទៅបុកទ្វាររថយន្ដកាមរីឆ្លាមដែលធ្វើដំណើរស្របទិសគ្នា ហើយបត់ឆ្វេងទៅទិសខាងលិច ដោយមិនមើលមុខក្រោយនោះ។
ប្រភពព័ត៌មានឱ្យដឹងទៀតថា ដោយសារតែអ្នកបើកបររថយន្ដបត់ឆ្វេងហើយមិនស៊ីញូធ្វើឱ្យអ្នកបើកម៉ូតូដែលកំពុងមានល្បឿនលឿនស្រាប់ផងនោះ ជាន់ហ្វ្រាំងមិនទាន់ បណ្ដាលឱ្យបុកទ្វាររថយន្ដពេញទំហឹង រីឯជនរងគ្រោះទាំង២នាក់ដេកដួលនៅលើផ្លូវ ចំណែកម៉ូតូរងការខូចខាតទាំងស្រុង។
ដោយឡែករថយន្ដបង្កក្រោយហេតុការណ៍បានបើករត់គេចខ្លួនបាត់ស្រមោលផងដែរ។ ភ្លាមៗនោះគូស្នេហ៍ទាំងពីរត្រូវរថយន្តសាមុយដឹកទៅព្យាបាលនៅគ្លីនិកឯកជនមួយ៕
ដកស្រង់ពីកោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
