អគារតាំងបង្ហាញរថយន្តដ៏ប្រណីត Volvo នឹងធ្វើការសម្ពោធឆាប់ៗនេះហើយ! (មានវីដេអូ)

ភ្នំពេញ៖ Volvo Cars គឺជាម៉ាករថយន្តដ៏ល្បីល្បាញមួយនៅក្នុងពិភពលោក។ ក្រុមហ៊ុនផលិតរថយន្តប្រណីតរបស់ស៊ុយអ៊ែតដែលជាក្រុមហ៊ុនឈានមុខគេលើបច្ចេកវិទ្យាយានយន្តមានមោទនភាព ក្នុងការប្រកាសសម្ពោធជាផ្លូវការនូវអគារតាំងបង្ហាញរថយន្តក្នុងប្រទេសកម្ពុជា នាថ្ងៃទី ៨ ខែ កុម្ភៈ ឆ្នាំ ២០១៩ ឆាប់ៗនេះ។

ជាមួយគ្នានេះផងដែរ វត្តមានរបស់អគារតាំងបង្ហាញរថយន្ត Volvo មានទីតាំងនៅតាមបណ្តោយមហាវិថីព្រះមុនីវង្ស រាជធានីភ្នំពេញ ។ 

Volvo Cars បាននាំចូលនិងចែកចាយដោយ ក្រុមហ៊ុន HGB Group Co., Ltd ដែលក្រុមហ៊ុនឈានមុខគេក្នុងការផ្តល់នូវរថយន្ត និង សេវាកម្មផ្នែករថយន្ត រួមទាំងបទពិសោធន៏ដ៏ល្អបំផុតសម្រាប់អតិថិជនរបស់ខ្លួន នៅក្នុងព្រះរាជាណាចក្រកម្ពុជា។

រថយន្ត Volvo ម៉ូដែល XC60 ជារថយន្តដែលមានសុវត្ថិភាពបំផុតដែលមិនធ្លាប់មានពីមុនមកហើយជាម៉ូដែលលក់ដាច់បំផុតនៅទូទាំងពិភពលោកព្រមទាំងបានទទួលពានរង្វាន់ "រថយន្តពិភពលោកប្រចាំឆ្នាំ 2018" ។  

រថយន្ត Volvo ម៉ូដែល XC40 ស៊េរីថ្មីជាប្រភេទរថយន្ត SUV ត្រូវបានគេដាក់ឈ្មោះថា " រថយន្តអ៊ឺរ៉ុបនៃឆ្នាំ 2018 " តាំងពីមុនពេលចេញទៅទីផ្សារ។

រថយន្ត Volvo ម៉ូដែល XC90 ផងដែរបានទទួលពានរង្វាន់ " រថយន្តប្រភេទ SUV ដ៏ប្រណិតបំផុតប្រចាំសតវត្សរ៍ " និងបានទទួលពានរង្វាន់ជាច្រើនទៀតដូចជា "Best Midsize Premium SUV" និង "EURO NCAP" ជាមួយគ្នាផងដែររថយន្ត Volvo ម៉ូដែល S90 នឹងនាំមកនូវសក្តានុពលដ៏ធំធេងនៅលើទីផ្សារកម្ពុជា។

យោងតាមប្រសាសន៍របស់ លោក Serdar Sengul ប្រធាន គ្រប់គ្រងទូទៅក្រុមហ៊ុន Volvo Cars Cambodia នៃប្រទេសកម្ពុជាបានអោយដឹងថា៖ 

“រថយន្ត Volvo Cars ត្រូវបានបង្កើតឡើងនៅឆ្នាំ 1927 នៅទីក្រុង Gothenburg ប្រទេសស៊ុយអែត។ Volvo Cars បាន បង្កើតឡើងដោយផ្តោតសំខាន់ទៅលើសុវត្តិភាពអ្នកបើកបរ និង អ្នករួមដំណើរជាមួយនៅក្នុងរថយន្ត ហើយអ្វីដែលកាន់តែពិសេសជាងនេះទៅទៀតនោះគឺ ការឆ្ពោះទៅរកការអភិវឌ្ឍ និងបង្កើតការច្នៃប្រឌិតថ្មីក្នុងពិភពឧស្សាហកម្មរថយន្ត ដូចជា ខ្សែក្រវ៉ាត់សុវត្ថិភាព 3 ចំណុច (តាំងពីឆ្នាំ 1959) ត្រូវបានប្រើប្រាស់នៅគ្រប់ប្រេនរថយន្តទាំងអស់នៅលើពិភពលោក។ នេះហើយគឺ ជាការច្នៃប្រឌិតថ្មីរបស់ Volvo ។ ក្រុមហ៊ុន Volvo គឺផ្តោតសំខាន់ទៅលើសុវត្ថិភាពរបស់អ្នកបើកបរ និងអ្នករួមដំណើរ ជាជាងរកប្រាក់ចំណេញពីវា”។

លោកបានបន្តទៀតថា៖ 

“បច្ចុប្បន្នក្រុមហ៊ុន Volvo Cars កំពុងនាំមុខគេក្នុងឧស្សាហកម្មរថយន្តទូទាំងពិភពលោក ក្នុងបច្ចេកវិទ្យាសុវត្ថិភាពអគ្គីសនី និងប្រព័ន្ធស្វ័យប្រវត្តិកម្ម។ ហើយចក្ខុវិស័យរបស់យើងគឺ ធ្វើអោយអ្នកដំណើរទាំងអស់ដែលប្រើប្រាស់រថយន្ត Volvo មានសុវត្ថិភាពទាំងស្រុងក្នុងឆ្នាំ2020 ខាងមុខនេះ។ ហើយយើងកំពុង បន្តការច្នៃប្រឌិតដើម្បីធ្វើឱ្យជីវិតរស់នៅរបស់មនុស្សមានសុវត្ថិភាព មិនស្មុគស្មាញនិង កាន់តែរីករាយ។ ពួកយើងរីករាយណាស់ដែលបានឃើញកំណើនសេដ្ឋកិច្ចដែលកំពុងបន្តនៅកម្ពុជាការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័សនិងការបង្កើនការវិនិយោគពីបរទេស។ យើងមានមោទនភាពក្នុងការនាំយកម៉ាកដ៏មានកិត្យានុភាពនេះមកកម្ពុជា។ ក្រុមហ៊ុន Volvo car បាននាំចូលនិងចែកចាយផ្តាច់មុខដោយក្រុមហ៊ុន HGB Group Co,.Ltd. អគារតាំងបង្ហាញរថយន្តរបស់យើងដែលនឹងដាក់ដាក់សម្ពោធនាថ្ងៃទី ៨ ខែ កុម្ភៈ នេះនឹងក្លាយជាអគារតាំងបង្ហាញដ៏ធំបំផុតមួយនៅក្នុងតំបន់អាស៊ីអាគ្នេយ៍។ យើងមានបំណងផ្តល់ជូននូវបទពិសោធន៍ដ៏ល្អបំផុតដល់អតិថិជនរបស់យើង។ មិនត្រឹមតែជាអគារតាំងបង្ហាញរថយន្តប៉ុណ្ណោះទេថែមទាំងជាមជ្ឈមណ្ឌលថែទាំរថយន្តដ៏ល្អផងដែរ។ យើងនឹងផ្តល់ជូននូវសេវាកម្មដែលមានគុណភាពខ្ពស់សម្រាប់អតិថិជនរបស់យើង ជាមួយនឹងបុគ្គលិកប្រឹក្សាយោបល់ផ្នែកយ៉ាងមានជំនាញ និងរួសរាយរាក់បំផុតជូន លោកអ្នក ព្រមទាំងមានអាហារសម្រន់ និង ភេសជ្ជៈសម្រាប់បម្រើជូនភ្ញៀវទាំងអស់ហើយលើសពីនេះទៅទៀតយើងមាន រថយន្តគ្រប់សេរីសម្រាប់ការបើកបរសាកល្បង និង កន្លែងលាងសំអាតរថយន្តនៅជាន់ទី ២ ផងដែរ។ យើងនិងបើកដំណើរការអគារតាំងបង្ហាញរថយន្តនៅថ្ងៃទៅ ៨ ខែ កុម្ភៈ ឆ្នាំ ២០១៩ ដើម្បីស្វាគមន៍យ៉ាងកក់ក្តៅដល់អតិថិជនទាំងអស់ ព្រមទាំងផ្តល់ជូនសេវាជាទីទុកចិត្តសម្រាប់ លោកអ្នក។

សម្រាប់ព័ត៌មានលំអិតសូមទំនាក់ទំនងផ្នែកសេវាបំរើអតិថិជនតាមទូរស័ព្ទលេខ : 095 666 379, 095 666 054.

Hotline: 024 900 000
Facebook Page: www.facebook.com/VolvoCarsKH/ 

សូមទស្សនាវីដេអូខ្លីខាងក្រោម៖

• ទីកន្លែង
• ឡាន
• វីដេអូ