ភ្នំពេញ៖ កាលពីម្សិលមិញនេះមានការភ្ញាក់ផ្អើល ពេញបណ្តាញសង្គមហ្វេសប៊ុក ក៏ដូចជាអ្នកតាមដានមើលវីដេអូរបស់វីជេ ណាណា ក្រោយបានទទួលដំណឹងថានាងបានចូលរោងជ័យរៀបការ ដែលមានការរៀបចំយ៉ាងអធិកអធម មានភ្ញៀវកិត្តិយសជាច្រើនបានចូលរួម។
តែបើងាកមកមើលកម្មវិធីពេលយប់ របស់តារាស្រីរូបនេះវិញ ឃើញថាមានការរៀបចំយ៉ាងល្អ មានអ្នកចូលរួមដោយក្តីរីករាយ នៅក្នុងការអបអរគូស្វាមីភរិយមួយគូនេះ មិនត្រឹមតែប៉ុណ្ណោះនៅក្នុងកម្មវិធីមង្គលរបស់នាងក៏បានបញ្ជាក់ថា គ្មានការដាក់ស្រាបៀរជូនភ្ញៀវពិសារនោះទេ។
លើសពីនេះទៅទៀត នៅក្នុងពិធីកាត់នំ នាងបានធ្វើខ្លួនស្លៀកពាក់ឈុតកូនក្រមុំពណ៌ស យ៉ាងប្លែកភ្នែក ជាមួយនឹងស្នាមញញឹមយ៉ាងស្រស់ស្រាយ ក៏ប៉ុន្តែនៅក្នុងនោះគេក៏បានចាប់អារម្មណ៍ថា នាងបានជ្រើសរើសយកស្បែកជើងប៉ាតា មកពាក់នៅក្នុងកម្មវិធីផងដែរ។
ក្រោយពីបានឃើញទិដ្ឋភាពដ៏រីករាយ ក៏ដូចជាការរៀបចំកម្មវិធីមង្គលមួយនេះរបស់នាង ក៏មានមហាជនជាច្រើនពិតជាពេញចិត្តយ៉ាងខ្លាំង ជាពិសេសក៏ជាមង្គលការដ៏គំរូមួយ នៅក្នុងការកាត់បន្ថយគ្រឿងស្រវឹងផងដែរ៕
សូមទស្សនាវីដេអូ និងរូបភាពទិដ្ឋភាពមង្គលការតារារូបនេះខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]