ចេញSolo ទើបបានមួយបទសោះ តែJennie ឈ្នះបានពានតារាឆ្នើមប្រចាំឆ្នាំ កាលពីយប់មិញ! (មានវីដេអូ)

កូរ៉េខាងត្បូង៖ កាលពីរាត្រីថ្ងៃពុធយប់មិញនេះ តារាចម្រៀងKpopប្រុសស្រីល្បីៗជាច្រើនក្រុម ត្រូវបានអញ្ចើញចូលរួម នៅក្នុងកម្មវិធីប្រគល់ពានរង្វាន់ប្រចាំឆ្នាំ «Gaon Chart Music Award » ដើម្បីទទួលពានរង្វាន់ប្រជាប្រិយភាព ដែលបានមកពីការបោះឆ្នោតជ្រើសរើសពីសំណាក់មហាជន និងមានការសម្តែងShow ពិសេសៗជាច្រើនទៀតផងដែរ។

ជាក់ស្តែង ក្នុងនោះផងដែរ តារាចម្រៀងទោលស្រីចំណូរថ្មី Jennie សមាជិកក្រុម Blackpink ដែលគ្រប់គ្នាដឹងថា នាងទើបតែចេញចម្រៀងទោលផ្ទាល់ខ្លួនជាលើកដំបូង កាលពីខែវិច្ឆិកាកន្លងទៅនេះ ចំណងជើងថា «SOLO» ហើយកាលពីយប់មិញនេះផងដែរ នាងក៏បានឈ្នះនូវពានរង្វាន់ប្រចាំឆ្នាំ ក្នុងនាមជាតារាទោលជាលើកដំបូងថែមទៀតផង គឺពានរង្វាន់« Artist Of the Year » សិល្បៈករឆ្នើមប្រចាំឆ្នាំ ដែលធ្វើឲ្យ Jennie ផ្ទាល់ក៏ដូចជាសមាជិករួមក្រុមទាំង៣រូបទៀត រំភើបចិត្តនិងត្រេកអរជាខ្លាំង។

គួររំឮកផងដែរថា បទចម្រៀងទោលចំណងជើង«SOLO» របស់នាង Jennie ដោយគ្រាន់តែចេញជាផ្លូវការភ្លាម ក៏បានបំបែកកំណត់ត្រាជាច្រើនភ្លែតក្នុងវិស័យKpop ឈរនៅលើលំដាប់លេខ១ ស្ទើរតែគ្រប់តារាង Music Chart ទូទាំងពិភពលោក ក្នុងរយៈពេល២៤ម៉ោង និងជាបទចម្រៀងតារាស្រីទោល ដែលមានអ្នកStream ចូលមើលច្រើនបំផុតជារៀងរាល់ថ្ងៃ គិតចាប់តាំងពីខែវិច្ឆិកា រហូតដល់បច្ចុប្បន្ននេះ៕  

• ចម្រៀង
• វីដេអូ
• តារាកូរ៉េ