ចិន៖ កាលពីឆ្នាំ២០១៨ អាចនិយាយបានថាគឺជាឆ្នាំដែលវឹកវបំផុតសម្រាប់តារាសម្តែង លំដាប់ជួរនាង Fan BingBing ព្រោះថានាងត្រូវពិន័យជាទឹកប្រាក់ ជាង ១៣០លានដុល្លារ ឲ្យរដ្ឋជាកំហិត បើមិនដូច្នេះទេនាងនឹងត្រូវជាប់ពន្ធនាគារ ជាមិនខាននោះទេ។
មិនត្រឹមតែប៉ុណ្ណោះ ក្រោយពីត្រូវបង់ពន្ធឲ្យរដ្ឋជាទឹកប្រាក់អស់រាប់រយលានដុល្លាររួចមក គេក៏ចាប់អាម្មណ៍ថា នាង Fan BingBing ស្រាប់តែដាក់លក់សម្លៀកបំពាក់របស់ខ្លួនមួយទឹកនៅលើអ៊ីនធើណែត ដែលធ្វើឲ្យគ្រប់គ្នាគិតថា នាងប្រាកដជា ខ្វះខាតខ្លាំងហើយទើបដាច់ចិត្តធ្វើបែបនេះ ក៏ប៉ុន្តែទាំងនេះ មិនដូចការស្មានរបស់មហាជននោះទេ ចំពោះមូលហេតុដែលនាងដាក់លក់បែបនេះ ត្រូវបានទម្លាយការពិតថា គឺគ្រាន់តែជាផ្លូវមួយ ដើម្បីកុំឲ្យមហាជន ភ្លេចឈ្មោះរបស់នាងតែប៉ុណ្ណោះ។
យ៉ាងណាមិញ កាលពីថ្មីៗនេះ រឿងរ៉ាវរបស់នាង Fan BingBing ត្រូវបានទម្លាយដោយប្រភពមួយចំនួនថា នៅពេលនេះ នាងកំពុងតែមានអចលនទ្រព្យជិត៥០នៅក្នុងដៃ នៅប្រទេសកាណាដា។ ដោយផ្ទះទាំងនោះ គឺត្រូវបានដាក់ជួល ដែលនាងអាចរកចំណូលបានមិនតិចនោះទេ ក្នុងមួយខែៗ។
លើសពីនេះទៀតនោះ ប្រភពជិតស្និទ្ធផ្សេងទៀតបាននិយាយថា នាង Fan BingBing ទើបតែទិញចិញ្ចៀនពេជ្រដែលមានតម្លៃជាង ៧ លានដុល្លារ និងវីឡាដ៏ប្រណីតនៅក្នុងប៉េកាំងថែមទៀតផង។
មិនត្រឹមតែប៉ុណ្ណោះ នាង Fan BingBing ក៏មានក្រុមហ៊ុនជាង១០ ដែលនាងរូបនាងកំពុងកាន់កាប់ ដែលគិតជាលុយប្រមាណ ជាង ៣០ កោដិយ័ន ឯណោះ។
ទោះជាយ៉ាងណាក្តី បើទោះជាមួយរយៈនេះ នាង Fan BingBing ត្រូវមានរឿងអាស្រូវគេចពន្ធ និងអស់លុយយ៉ាងច្រើនសន្ធឹកយ៉ាងណាក្តី ក៏រូបនាង នៅតែមានទ្រព្យស្តុកស្តម្ភ និងជីវិតហាយសូរដដែល៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]