ខ្សែភាពយន្តភាគបែបស៊ើបអង្កេតថ្មីរឿង «ឧក្រិដ្ឋជន» នឹងចាក់បញ្ចាំងនៅលើកញ្ចក់ទូរទស្សន៍ CTN និង MyTV ក្នុងពេលឆាប់ៗនេះ!

ភ្នំពេញ៖ «ឧក្រិដ្ឋជន» គឺជាខ្សែភាពយន្តភាគបែបស៊ើបអង្កេតថ្មី ដែលនឹងមានចាក់បញ្ចាំងនៅលើកញ្ចក់ទូរទស្សន៍ CTN និង MyTV ក្នុងពេលឆាប់ៗនេះ។ ខ្សែភាពយន្តភាគ ដែលពីមួយវគ្គទៅមួយវគ្គ គឺសុទ្ធសឹងតែជាការស៊ើបអង្កេតវែកមុខរក ឧក្រិដ្ឋជន តាមកោសលវិច័យលក្ខណៈវិទ្យាសាស្ត្រ និងភស្តុតាងនានា ដែលបន្សល់ទុកដោយជនសង្ស័យ។ 

ឈុតឆាកនីមួយៗ បង្កប់ទៅដោយអាថ៌កំបាំងដែលធ្វើឱ្យអ្នកទស្សនា ពិបាកនឹងវិនិច្ឆ័យថា តើតួអង្គមួយណា ដែលជាឧក្រិដ្ឋជនពិតប្រាកដ។ ខ្សែភាពយន្តនេះក៏រួមចំណែកជួយដល់ទស្សនិជនឱ្យចេះវិភាគ ចេះពិចារណា ពីអង្គហេតុនីមួយៗ ដែលបានកើតឡើងនៅក្នុងសង្គម។ 

បើចង់ជ្រាបច្បាស់ តើវានឹងមានអ្វីខ្លះកើតឡើង សូមកុំភ្លេចរង់ចាំទស្សនា នៅលើកញ្ចក់ទូរទស្សន៍ CTN ផ្សាយផ្ទាល់រៀងរាល់ថ្ងៃ សៅរ៍ វេលាម៉ោង ៧ ដល់ម៉ោង ៨ យប់ និង MyTV វេលាម៉ោង ២ ដល់ម៉ោង ៣ រសៀល។ 

បន្ថែមពីនេះនៅថ្ងៃទី ២៣ ខែ មករា ឆ្នាំ ២០១៩ នេះ CTN ក៏បើកសម្ពោធជាផ្លូវការនៃខ្សែភាពយន្តនេះផងដែរ នៅវេលាម៉ោង ៦ ដល់ម៉ោង ៧ យប់ នៅ Legend Cinema Eden Garden Boeung Kak (សូមកុំភ្លេចចូលរួមទាំងអស់គ្នា)៕

• ភាពយន្ត