លើកនេះយាយ យ៉យ ប៉ះជាមួយកូនប្រុស នាយព្រែក ច្រៀងយ៉ាងស៊ីចង្វាក់គ្នា នៅលើឆាក (មានវីដេអូ)

ភ្នំពេញ៖ ទោះបីជាបច្ចុប្បន្ននេះ តារាកំប្លែងជើងចាស់លោកយាយ យ៉យ មានវ័យកាន់តែច្រើនយ៉ាងណាក្តី ក៏ប៉ុន្តែឃើញថាប្រជាប្រិយភាព របស់គាត់គឺកាន់តែមានសន្ទុះខ្លាំងនៅក្នុងការគាំទ្រដដែល មិនចាញ់តារាវ័យក្មេងជំនាន់ថ្មីៗប៉ុន្មាននោះទេ។

តែអ្វីដែលកាន់តែពិសេសនោះគឺ កាលពីពេលថ្មីៗនេះក៏ស្រាប់តែលេចមុខតារាកំប្លែង ជើងចាស់រូបនេះ បានឡើងច្រៀងនៅលើឆាកដ៏ធំមួយ ដែលបានឡើងបកស្រាយចម្រៀងជាច្រើនបទ យ៉ាងពីរោះយ៉ាងខ្លាំង ធ្វើឲ្យមហាជនជាច្រើនបាននាំគ្នាសរសើរពីទឹកដមសម្លេងរបស់លោកយាយគ្រប់គ្នា។

មិនត្រឹមតែប៉ុណ្ណោះ ការដែលឡើងច្រៀងលើកនេះ ក៏មានវត្តមានកូនប្រុសរបស់ខ្លួន នាយព្រែក បានឡើងច្រៀងជាមួយម្តាយ បញ្ចេញសម្លេងនៅក្នុងបទចម្រៀងរួមគ្នា បូករួមនឹងការលេងពាក្យសម្តី ធ្វើឲ្យផ្ទះសំណើចពេញឆាកតែម្តង។

ក្រោយពីបានស្តាប់បទចម្រៀង ដែលអ្នកទាំង២បានបកស្រាយរួច បានធ្វើឲ្យមហាជនជាច្រើនបានសរសើរដល់ លោកយាយយ៉យ ដែលទោះបីជាមានវ័យកាន់តែច្រើនយ៉ាងណា តែសម្លេងនៅតែអំណោយផលល្អ ជាពិសេសពេលច្រៀងជាមួយកូនប្រុសពិតជាស៊ីគ្នា៕

សូមទស្សនាវីដេអូខាងក្រោមនេះ៖

• នាយ ព្រែក
• យាយយ៉យ
• វីដេអូ
• តារាខ្មែរ