អ៊ីតាលី៖ Cristiano Ronaldo ស៊ុតបាល់ប៉េណាល់ទីមិនបានសម្រេចនៅតង់ទី ២ ទល់នឹង Chievo កាលពីយប់មិញនេះ។ ប៉ុន្តែទោះបីជាបែបណាក្តី គ្រាប់បាល់នេះមិនបានជះឥទ្ធិពលដល់ Juventus ឡើយ ពោលគឺក្លិបនៅទីក្រុង ទូរីនមួយនេះបានឈ្នះក្លិបបាតតារាង Chievo ក្នុងលទ្ធផល ៣-០។
មុននឹងកើតមានគ្រាប់បាល់ពិន័យនេះមិនចូល Juventus បាននាំមុខទៅលើ Chievo មុន ២ទល់នឹង០ ទៅហើយ។ លុះដល់នាទី៥២ កីឡាករ Mattia Bani បានធ្វើឱ្យដៃប៉ះបាល់ ក្នុងប្រអប់គ្រោះថ្នាក់ និងបង្កឱ្យមានការស៊ុតគ្រាប់បាល់ពិន័យ ១១ម៉ែត្រតែម្តង។ Cristiano Ronaldo ជាអ្នករ៉ាប់រងគ្រាប់បាល់នេះ ប៉ុន្តែរូបគេខកខានក្នុងការស៊ុតគ្រាប់ទី ១៥របស់ខ្លួនដោយត្រូវអ្នកចាំទី Sorrentino សង្គ្រោះបានសម្រេច។
គ្រាប់បាល់ទាំង ៣គ្រាប់របស់ Juventus រកបានដោយកីឡាករ Douglas Costa នៅនាទី១៣ ខណៈ Emre Canនៅនាទី៤៥ ខណៈដែលកីឡាករ Daniele Ruganiនៅនាទី៨៤ ដែលជាគ្រាប់បាល់ដំបូងរបស់ពួកគេក្នុងរដូវកាលនេះ។ បច្ចុប្បន្ននេះ Juventus កំពុងស្ថិតនៅកំពូលតារាង Serie A ដោយមាន ៥៦ពិន្ទុ វ៉ាដាច់ ៩ពិន្ទុពីក្រុមលេខ ២ Napoli ដែលមាន ៤៧ពិន្ទុក្នុងដៃ៕
សូមទស្សនាវីដេអូនៅខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]