ខេត្តព្រះសីហនុ ៖ អ្នករស់នៅក្នុងក្រុងព្រះសីហនុ ក៏ដូចជាភ្ញៀវទេសចរណ៍ជាតិ-អន្តរជាតិ បាននាំគ្នានិយាយនៅតាមភោជនីយដ្ឋាន (តាមតុកាហ្វេ ) ពីមាត់មួយទៅមាត់មួយជាប់មិនដាច់ដូចជាអាយ៉ៃឆ្លើយឆ្លង ទាក់ទងនិងបញ្ហាផ្គត់ផ្គង់ទឹកស្អាតរបស់ក្រុមហ៊ុនអានកូ ក្នុងក្រុងព្រះសីហនុ ដែលមកទល់ពេលនេះនៅតាមលំនៅដ្ឋានរបស់ប្រជាពលរដ្ឋ មន្ត្រីរាជការ ភោជនីយដ្ឋាន សសណ្ឋាគារ ផ្ទះសំណាក់ និងគ្លីនិកឯកជន។ល។
ដែលតបណ្តាញទឹកស្អាតប្រើប្រាស់ពីក្រុមហ៊ុនខាងលើ ដែលទទួលសិទ្ធិផ្តាច់មុខក្នុងការគ្រប់គ្រងបណ្តាញទឹកស្អាតប្រើប្រាស់នៅក្នុងខេត្តព្រះសីហនុ មកទល់ពេលនេះ មិនមានទឹកស្អាតជូនប្រជាពលរដ្ឋដូចបានរៀបរាប់ខាងលើ ដែលជាអតិថិជនរបស់ខ្លួនសម្រាប់ប្រើប្រាស់ទៅតាមតម្រូវការបានឡើយ គឺចូលដល់វេទនាហើយ។
ប្រភពខាងលើបានបន្តឲ្យដឹងបន្ថែមទៀតថា តាមការសង្កេតមើលពីសកម្មភាពមិនទទួលខុសត្រូវក្នុងការផ្គត់ផ្គង់ទឹកស្អាតរបស់ក្រុមហ៊ុនអានកូ គឺកំពុងតែធ្វើសកម្មភាពអុកឡុកមន្ទីរជំនាញ(អង្គភាពរដ្ឋាករទឹក) ដែលជាអ្នកត្រូវទទួលរងការរិះគន់ពីប្រជាពលរដ្ឋ ។ ហើយក្រុមហ៊ុនខាងលើ ហាក់ដូចជាចង់បានអ្វីម្យ៉ាងពីមន្ទីរជំនាញខាងលើ ដែលជាអង្គភាពរដ្ឋ? ពួកគាត់បានដាក់ជាសំណួរទៀតថា តើរដ្ឋអាចនឹងត្រូវបាត់បង់អ្វីទៀតទេ បន្ទាប់ពីបាត់បង់បឹងព្រែកទប់? រហូតដល់ខ្វះខាតទឹកប្រើប្រាស់ដែលពីមុនមកមិនធ្លាប់មានទាល់តែសោះ…?
ទាក់ទិននិងបញ្ហារិះគន់ក្រុមហ៊ុនខាងលើ អំពីការផ្គត់ផ្គង់ទឹកស្អាតប្រើប្រាស់មិនគ្រប់គ្រាន់ លោក ផន រតនៈ ប្រធានអង្គភាពរដ្ឋាករទឹកខេត្តព្រះសីហនុ មានប្រសាសន៍ប្រាប់អ្នកយកព័ត៌មានយើងនាពេលកន្លងមកថា ចំណុចដែលការផ្គត់ផ្គង់ និងចែកចាយទឹកមិនគ្រប់គ្រាន់នោះ មិនមែនមកពីអង្គភាពរដ្ឋាករទឹកនោះទេ គឺមកពីក្រុមហ៊ុនអានកូ ដែលផ្គត់ផ្គង់មកឲ្យខាងអង្គភាពរដ្ឋាករទឹកមិនគ្រប់គ្រាន់ ទើបអង្គភាពមិនមានទឹកសម្រាប់ចែកចាយជូនពលរដ្ឋឲ្យបានគ្រប់គ្រាន់។
លោកបន្តថា ពីមុនមានបណ្ដាញចម្រោះមួយកន្លែងទៀត គឺនៅបឹងព្រៃទប់ តែឥឡូវនេះបានបញ្ឈប់ដំណើរការណ៍ហើយ គឺរាល់ថ្ងៃទទួលទឹកតែពីខាងក្រុមហ៊ុនផ្គត់ផ្គង់អាងស្តុបទឹករបស់ក្រុមហ៊ុនអានកូតែមួយគត់ នៅតំបន់ក្បាលឆាយទាំងស្រុងតែម្តង។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
