ផ្លូវហោះហើរថ្មីរបស់ក្រុមហ៊ុន Vietjet ភ្ជាប់ពីទីក្រុងហូជីមិញ និងក្រុង វ៉ាន ដុន (Van Don នៃខេត្ត Quang Ninh) បានចាប់ផ្ដើមប្រតិបត្តិការហើយ ដែលនេះជាការភ្ជាប់ពីទីក្រុងធំបំផុតរបស់ប្រទេសវៀតណាម ជាមួយនឹងតំបន់ទេសចរណ៍ Ha Long Bay ដែលជាបេតិកភ័ណ្ឌពិភពលោករបស់អង្គការយូណេស្កូ។
ផ្លូវហោះហើរថ្មីនេះនឹងជួយបំពេញដល់តម្រូវការខ្ពស់នៃការដឹកជញ្ជូនតាមផ្លូវអាកាសរវាងក្រុងទាំងពីរ ហើយរួមចំណែកដលក់ការជំរុញពាណិជ្ជកម្ម និងសមាហរណកម្មនៅក្នុងប្រទេសវៀតណាម និងនៅក្នុងតំបន់។
តំបន់ទេសចរណ៍ Ha Long Bay ដែលត្រូវធ្វើដំណើររយៈពេលមួយម៉ោងពីអាកាសយានដ្ឋាន Van Don មានកោះ និងកូនកោះចំនួន 1,600 ដែលបង្កើតបានជារាងសរសរថ្មកំបោរយ៉ាងស្រស់ត្រកាល។ កោះភាគច្រើនពុំមានការតាំងទីលំនៅឡើយ ហើយទេសភាពដ៏ស្រស់ត្រកាលនេះត្រូវបានរំលេចបន្ថែមទៀតដោយធនធានជីវសាស្ត្រយ៉ាងសម្បូរបែបនៅតំបន់នោះ។
ផ្លូវហោះហើរក្រុងហូជីមិញ - វ៉ាន ដុន ធ្វើប្រតិបត្តិការជើងហោះហើរទៅមក នៅថ្ងៃច័ន្ទ ពុធ សុក្រ និងអាទិត្យ ដែលការហោះហើរមានរយៈពេលប្រមាណ 2 ម៉ោង និង 15 នាទី។
ក្រុមហ៊ុនអាកាសចរណ៍ Vietjet តែងតែបើកផ្លូវហោះហើរថ្មីៗជាប្រចាំនៅក្នុងតំបន់ ដើម្បីឆ្លើយតបទៅនឹងតម្រូវការរបស់អ្នកធ្វើដំណើរ ហើយបច្ចុប្បន្ន កំពុងធ្វើប្រតិបត្តិការជើងហោះហើរត្រង់ជារៀងរាល់ថ្ងៃរវាងពីខេត្តសៀមរាប និងទីក្រុងហាណូយផងដែរ។ ជាមួយនឹងបណ្ដាញផ្លូវហោះហើរក្នុងស្រុកចំនួន 39 និងផ្លូវហោះហើរអន្តរជាតិចំនួន 66 ក្រុមហ៊ុនអាកាសចរណ៍ជំនាន់ថ្មី Vietjet ធ្វើប្រតិបត្តិការជាមួយនឹងពិន្ទុនៃភាពជឿជាក់ផ្នែកបច្ចេកទេសខ្ពស់រហូតដល់ទៅ 99.66% ដែលនេះជាអត្រាខ្ពស់បំផុតនៅក្នុងតំបន់អាស៊ីប៉ាស៊ីហ្វិក។ សំបុត្រក្នុងតម្លៃប្រូម៉ូសិនអាចរកបានតាមរយៈគេហទំព័រ៖ www.vietjetair.com ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
