Nut Devahastin ទើបតែសុំគូស្នេហ៍រៀបការថ្ងៃមុនសោះ ពេលនេះ ត្រៀមកំណត់ថ្ងៃអាពាហ៍ពិពាហ៍បាត់ទៅហើយ

ថៃ៖ កាលពីដើមខែមករាឆ្នាំ២០១៩នេះ តារាសម្តែងប្រុស Nut Devahastin បានធ្វើឲ្យគ្រប់គ្នាមានការភ្ញាក់ផ្អើល ដោយលោកបានសុំមិត្តស្រីរៀបការ នៅលើឆ្នេរខ្សាច់ដ៏ស្រស់ស្អាត ក្នុងប្រទេសសហរដ្ឋអាមេរិក។

ដោយយោងតាមប្រភពព័ត៌មានមួយ លោក Nut បានធ្វើការរៀបរាប់អំពីរឿងនេះថា៖

<<ពេលនោះខ្ញុំបានគិតថា ការលុតជង្គង់សុំរៀបការ ជាទិដ្ឋភាពមួយដ៏ស្រស់ស្អាតប្រៀបដូចជានៅក្នុងខ្សែភាពយន្ត តែវាបានផ្ទុយស្រឡះព្រោះតែខាងស្រីឈរស្ងៀមធម្មតា ខ្ញុំឯណេះទៅវិញទេដែលភ័យនោះ។ តាមពិតទៅចិញ្ចៀនរៀបការមិនមានអ្វិពិសេសនោះទេ វាជាចិញ្ចៀនពេជ្រធម្មតា គ្រាន់តែមានការឌីហ្សាញម៉ូតតាមលក្ខណៈបុរាណ ព្រោះនាងចូលចិត្តបែបនេះ។សម្រាប់ពេលវេលារៀបចំពិធីអាពាហ៍ពិពាហ៍គឺពេលនេះចាស់ទុំគាត់កំពុងតែគិតគូរ តែប្រហែលជាមិនហួសពីខែសីហា ឬក៏ខែតុលាទេ។ ចំណែកឯរឿងកូនវិញមិនទាន់គិតវែងឆ្ងាយដល់ថ្នាក់នឹងពេលនោះទេ មានក៏បាន ហើយបើមិនទាន់មានក៏មិនអីដែរ រឿងនេះស្រេចទៅលើខាងស្រីទៅចុះ។ តែសម្រាប់ខ្ញុំចាំរៀបការហើយចាំនិយាយរឿងនេះម្តងទៀត>>៕

ទស្សនារូបភាពខាងក្រោម៖

• តារាថៃ