ថា RM ទៅខ្ពស់ដូចត្នោតទៅហើយ តែសមាជិកថ្មី TXT Soobin វិញ បែរជាខ្ពស់ជាងលោកទៅទៀត

កូរ៉េខាងត្បូង៖ បច្ចុប្បន្ននេះ លោក RM ដែលជាសមាជិកក្នុងក្រុម BTS គឺជាតារាចម្រៀងមួយរូប ដែលមានកម្ពស់ខ្ពស់ជាងគេប្រចាំផលិតកម្ម BigHit Entertainment។ ដោយរូបលោក មានកម្ពស់រហូតដល់ ១.៨១ សង់ទីមែត្រផងដែរ។

ក៏ប៉ុន្តែឈ្មោះជាតារាដែលមានកម្ពស់ ខ្ពស់ជាងគេប្រចាំផលិតកម្មនេះ ហាក់មិនមានទៀតទេសម្រាប់លោក RM ព្រោះថាកាលពីថ្មីៗនេះ ផលិតកម្ម BigHit ទើបតែបញ្ចេញមុខសមាជិកថ្មីឈ្មោះថា Soobin នៅក្នុងក្រុម TXT ដែលត្រូវបានគេដឹងថាជាតារាវ័យក្មេងដែលមានកម្ពស់ខ្ពស់ខ្លាំង។

យ៉ាងណាមិញ សម្រាប់តារាថ្មីរូបនោះ ទើបតែមានអាយុ ១៨ ជិត១៩ឆ្នាំតែប៉ុណ្ណោះ ក៏ប៉ុន្តែបើនិយាយពីកម្ពស់របស់លោកវិញ បើទោះជាផលិតកម្មមិនទាន់បើកបង្ហាញក្តី តែអ្នកគាំទ្របានស្វែងរកប្រវត្តិរបស់លោក និងលេចលឺពាក្យចចាមអារ៉ាម បានឲ្យឃើញថា តារារូបនេះ មានកម្ពស់រហូតដល់ ១.៨៤ សង់ទីម៉ែត្រឯណោះ។

ទោះជាយ៉ាងណាក្តី ចំពោះកម្ពស់ដ៏ខ្ពស់របស់លោក Soobin តារាថ្មីរបស់ក្រុម TXT រូបនេះ ពិតជាធ្វើឲ្យអ្នកគាំទ្រស្ទើរតែមិនជឿនោះទេ ថាកម្លោះសង្ហាររូបនេះ មានកម្ពស់ខ្ពស់ខ្លាំងដល់ម្លឹង ទាំងខ្លួនទើបតែមានអាយុក្រោម ២០ឆ្នាំតែប៉ុណ្ណោះ។ ម៉្យាងវិញទៀត ចំពោះពាក្យចចាមអារ៉ាមនេះដែរ អ្នកគាំទ្រមួយចំនួនទៀត មិនទាន់ជឿមួយរយភាគរយនោះទេ ហើយពួកគេក៏កំពុងតែទន្ទឹងរង់ចាំសេចក្តីប្រកាសពីផលិតកម្មផ្ទាល់ផងដែរ៕

តើប្រិយមិត្តយល់យ៉ាងណាដែរ? 

• តារាកូរ៉េ