ភ្នំពេញ៖ ជារឿងដ៏គួរឲ្យភ្ញាក់ផ្អើលមួយ ដោយកាលពីថ្មីៗនេះ ផ្អែកលើហ្វេសប៊ុកផេក Miss Global Cambodia បានប្រកាសជាផ្លូវការថា តារាម៉ូដែលដ៏មានប្រជាប្រិយភាព ក៏ដូចជាអតីតបេក្ខនារីក្នុងកម្មវិធី Next Top Model Cambodia ត្រូវបានជ្រើសរើសឲ្យឈរឈ្មោះជា បេក្ខនារីតំណាងឲ្យប្រទេសកម្ពុជា ដើម្បីទៅប្រកួតប្រជែងក្នុងកម្មវិធីលំដាប់ថ្នាក់ពិភពលោក Miss Global ឆ្នាំ២០១៩។
គួរឲ្យដឹងបន្ថែមទៀតថា កម្មវិធីប្រកួតប្រជែងនេះដែរ នឹងធ្វើឡើងក្នុងខែកុម្ភៈ ឆាប់ៗយ៉ាងមុខនេះហើយ ដោយមានបេក្ខនារីជាច្រើនប្រទេសចូលរួម។ ម្យ៉ាងវិញទៀត សម្រាប់ឆ្នាំនេះ ប្រទេសហ្វីលីពីន គឺជាម្ចាស់ផ្ទះផងដែរ។
ទោះជាយ៉ាងណាក្តី ទាំងនេះគឺជារឿងដ៏គួរឲ្យរំភើបមួយសម្រាប់អ្នកគាំទ្រ ព្រោះមិននឹកស្មានថាតារាម៉ូដែល ដ៏មានប្រជាប្រិយភាពរូបនេះ ត្រូវបានជ្រើសរើសឲ្យទៅប្រកួតតំណាងជាតិបែបនេះទេ។ មិនត្រឹមតែប៉ុណ្ណោះ អ្នកគាំទ្រពិតជាសង្ឃឹមយ៉ាងខ្លាំងថា កញ្ញា ហង្ស សូរិយ៉ាន់ នឹងអាចទទួលបានភាពជោគជ័យ មកជូនប្រទេសជាតិវិញជាក់ជាមិនខាន ព្រោះបើស្ទង់តាមសមត្ថភាព និងបទពិសោធន៍របស់នាងរយៈពេលជាច្រើនឆ្នាំមកនេះ ពិតជាមិនធម្មតានោះឡើយ៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]