ភ្នំពេញ៖ កាលពីព្រឹកមិញ ម៉ោងវេលាម៉ោង៥:៥០នាទី ថ្ងៃទី២០ ខែមករា ឆ្នាំ២០១៩ តារាកំប្លែងដ៏ល្បីឈ្មោះ ជួង ជី ហៅនាយកុយ និងតារាកំប្លែងមាឌតូចនាយក្រិន បានជួបគ្រោះថ្នាក់ចរាចរណ៍ ធ្វើឲ្យរថយន្តម៉ាកឡង់គ្រីស័ររបស់លោកត្រូវ ខូចខាតទាំងស្រុង នៅលើផ្លូវលេខ៧៣ ភូមិថ្នល់ ឃុំតំបែរ ស្រុកតំបែរ ខេត្តត្បូងឃ្មុំ ដែលរថយន្តបែកកង់ ទៅបុកដើមឈើមួយកន្លែង។
ក្នុងករណីហេតុការណ៍នេះដែរ ឃើញថាស្ថានភាពរបស់អ្នកទាំងពីរមិនធ្ងន់ធ្ងរនោះទេ ដោយគ្រាន់តែតារាកំប្លែងនាយកុយ មានរបួសនៅកែងដៃបន្តិចប៉ុណ្ណោះ។ មិនត្រឹមតែប៉ុណ្ណោះមុខពេលកើតហេតុ ក៏ត្រូវបានគេដឹងថា តារាកំប្លែងរូបនេះទើបតែចេញពីសម្តែងនៅក្នុងកម្មវិធីមួយ ដែលមាននាយក្រិន និងកញ្ញាប្រិយប្រិយផងដែរ។
រាល់រូបភាពទាំងនោះ ឃើញថាលោកបានចូលរួមកម្មវិធីយ៉ាងសប្បាយរីករាយ ជាមួយនឹងមិត្តសិល្បៈករដទៃទៀត ក៏ប៉ុន្តែមិននឹកស្មានថា បន្ទាប់ពីចេញពីកម្មវិធីមកកាន់ភ្នំពេញ ស្រាប់តែជួបគ្រោះថ្នាក់បែបនេះតែម្តង។
យ៉ាងណាមិញបើយោងតាមប្រភពជិតស្និទ្ធិ បានប្រាប់ខ្មែរឡូតថា នៅពេលនេះដែរ តារាកំប្លែងរូបនេះ បានធ្វើដំណើរមកដល់ភ្នំពេញហើយកាលពីព្រឹកមិញ ដោយពេលនេះលោកកំពុងតែសម្រាកពិនិត្យសុខភាពបន្ថែម នៅក្នុងមន្ទីរពេទ្យមួយកន្លែង ព្រោះថាស្ថានភាពរបស់លោកពេលនេះ គឺនៅចុកនៅផ្នែកដើមទ្រូងនៅឡើយទេ។
ក្រោយពីបានដឹងបែបនេះ បណ្តាអ្នកគាំទ្រជាច្រើន ក៏បាននាំគ្នាជូនពរដល់លោកឲ្យឆាប់ជាសះស្បើយ ពីស្ថានភាពគ្រោះថ្នាក់ទាំងនេះផងដែរ៕
សូមទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]