បរទេស៖ នៅក្នុងសតវត្សទី២១ គំនិតច្នៃប្រឌិតគឺជារឿងដ៏សំខាន់បំផុតសម្រាប់ធ្វើកិច្ចការដ៏អស្ចារ្យ និងបង្កើតអ្វីថ្មីៗសម្រាប់មនុស្សលោក។ ពិភពលោកឱ្យតម្លៃទៅលើគំនិតច្នៃប្រឌិតដែលប្លែកៗមានប្រយោជន៍សម្រាប់មនុស្សជាតិ។
តួយ៉ាងរបស់របរជាច្រើន ដែលកើតមានឡើងនាពេលបច្ចុប្បន្ននេះ សុទ្ធតែចាប់ផ្តើមពីការច្នៃប្រឌិតទាំងអស់។ ដូច្នេះថ្ងៃនេះយើងសូមអ្នកណែនាំអ្នករាល់គ្នា មកស្គាល់បុរសម្នាក់ដែលមានគំនិតច្នៃប្រឌិតក្នុងការរចនារបស់របរប្រើប្រាស់ប្រចាំថ្ងៃ ក្លាយទៅជាយានអវកាសដ៏អស្ចារ្យដែលអ្នករាល់គ្នានឹកស្មានមិនដល់។
បុរសម្នាក់នេះមានឈ្មោះ Eric Geusz លោកគឺជាវិស្វករកម្មវិធីកុំព្យូទ័រ និងសិល្បករមួយរូបដ៏ល្បីលើពិភពលោក។ មនុស្សម្នាជាច្រើនកុះករលើពិភពលោកស្គាល់រូបលោកតាមរយៈស្នាដៃបំផុសគំនិតប្លែកៗរបស់លោក។ ស្នាដៃមួយក្នុងចំណោមស្នាដៃដ៏អស្ចារ្យរបស់លោក គឺការរចនារូបភាពនៃរបស់របរប្រើប្រាស់ប្រចាំថ្ងៃ ក្លាយទៅជាយានអវកាស។
លោក Eric លើកទឹកចិត្តឱ្យអ្នករាល់គ្នា មានគំនិតច្នៃប្រឌិតក្នុងការស្រមៃ និងបង្កើតអ្វីៗថ្មីៗសម្រាប់ខ្លួនឯង។ លោកបាននិយាយថា «អ្នករាល់គ្នាអាចបង្កើត និងរចនាអ្វីៗគ្រប់យ៉ាងដែលអ្នកចង់បាន តែអ្វីដែលសំខាន់បំផុតនោះគឺថា តើវាធ្វើឱ្យអ្នកមានអារម្មណ៍យ៉ាងដូច្នេះម្តេច» ។
ទន្ទឹមនឹងនេះដែរ មានអ្នកប្រើប្រាស់បណ្តាញសង្គមជាច្រើននាក់ មានការកោតសរសើរនឹងស្នាដៃ និងភាពប៉ិនប្រសប់របស់លោកជាខ្លាំង៕
ទស្សនាស្នាដៃរបស់លោកនៅខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]