ខេត្តស្វាយរៀង ៖ បុរសនារីពីរនាក់គូដណ្តឹងបានរងរបួសធ្ងន់ធ្ងរបាក់ដៃ បាក់ជើង បែកមុខ បែកមាត់ បែកក្បាលផុងលលាដ៍ ដោយសារជិះម៉ូតូលឿនបុកខឿនផ្លូវកោងរួចប៉ើងទៅបុកបង្គោលភ្លើង បោកខ្លួនយ៉ាងខ្លាំងក្លា កាលពីវេលាម៉ោង៥និង៣០នាទីល្ងាច តាមផ្លូវក្រាលកៅស៊ូប្របមាត់ទន្លេ ភូមិរោងបន្លែ សង្កាត់ស្វាយរៀង ក្រុងស្វាយរៀង បង្កឱ្យមានការរន្ធត់ និងសោកស្តាយ ព្រោះតែគូដណ្តឹងទាំង២នាក់នេះ ជិតរៀបការទៅហើយ ។
បុរសរងគ្រោះឈ្មោះទេព អន អាយុ២៧ឆ្នាំ ស្នាក់នៅភូមិមេភ្លើង សង្កាត់ស្វាយរៀង ក្រុងស្វាយរៀង ចំណែកនារីជាគូដណ្តឹងឈ្មោះព្រំ លីន អាយុ៣០ឆ្នាំ ស្នាក់នៅភូមិឈើត្រែង ឃុំបាភ្នំ ស្រុកបាភ្នំ ខេត្តព្រៃវែង ។ អ្នកទាំង២នឹងត្រូវរៀបការនៅថ្ងៃទី៤ មេសា ២០១២ ខាងមុខនេះ ហើយពេលជួបគ្រោះថ្នាក់ចរាចរណ៍នេះ គឺពួកគេឌុបគ្នាដើរអញ្ជើញសំបុត្រការ (ហៅភៀវ) នៅជុំវិញក្រុងស្វាយរៀង ។
តាមអ្នកឃើញហេតុការណ៍និយាយថា ពួកគេជិះម៉ូតូលឿន លុះដល់ផ្លូវកោងតាមបណ្តោយមាត់ទន្លេ បត់មិនទាន់ បណ្តាលឱ្យជ្រុលបុកខឿនចិញ្ចើមថ្នល់ដួលម៉ូតូប្រាវ ចំណែកមនុស្សផ្លោងទៅបោកនឹងបង្គោលភ្លើង បណ្តាលឱ្យបាក់ដៃ បាក់ជើង បែកមុខ បែកមាត់ និងបែកក្បាលផុងលលាដ៍ទាំង២នាក់ធ្ងន់ធ្ងរ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]