Boy និង Jeab ជួបរឿងដែលនឹកស្មានមិនដល់ បន្ទាប់ពីផ្ញើធៀបការរបស់ខ្លួនទៅ David Beckham

ថៃ៖ មិនប៉ុន្មានថ្ងៃទៀតនោះទេ តារាចម្រៀងប្រុស Boy Peacmaker នឹងដឹកដៃគូស្នេហ៍ដ៏ស្រស់ស្អាតរបស់លោកគឺកញ្ញា Jeab Pijittra ចូលរោងការនៅថ្ងៃទី២៥ ខែមករា ខាងមុខនេះហើយ។

គួររំលឹកផងដែរថា គូស្នេហ៍មួយគូនេះបានឆ្លងកាត់ឧបសគ្គជាច្រើនជាមួយគ្នា។ ប៉ុន្តែក្រោយភ្លៀងមេឃស្រលះ គ្រប់យ៉ាងកន្លងផុតទៅ ហើយចំណងស្នេហារបស់ពួកគេទាំងពីរកាន់តែរឹងមាំ។

ថ្មីៗនេះ Boy និង Jeab បានបង្កើត YouTube Channel ផ្ទាល់ខ្លួនមួយហើយបានផុសវីដេអូបង្ហាញភាពផ្អែមល្អែមជារឿយៗ។ នៅក្នុងនោះមានវីដេអូមួយ ដែលពួកគេទាំងពីរបាននិយាយអំពីរឿងដែលផ្ញើធៀបការទៅឲ្យកីឡាបាត់ទាត់លំដាប់ថ្នាក់ពិភពលោកគឺលោក David Beckham។ ពិតជាគួរឲ្យភ្ញាក់ផ្អើលខ្លាំងណាស់ នៅពេលដែលធៀបការបានទៅដល់ដៃរបស់កីឡាករបាល់ទាត់រូបនេះ ក្រោយមក David Beckham បានចុះហត្ថលេខា ហើយផ្ញើត្រលប់មកវិញ។

យ៉ាងណាមិញ Jeab បានបង្ហាញពីអារម្មណ៍របស់ខ្លួនថា <<David Beckham គាត់ប្រហែលជាមិនដឹងពីប្រពៃណីរបស់ថៃ ទើបបានជាគាត់ចុះហត្ថលេខាហើយផ្ញើមកឲ្យពួកយើងវិញ។ ប៉ុន្តែទោះបីជាយ៉ាងណាក៏សប្បាយចិត្តដែរ ព្រោះបានផ្ញើវាមកឲ្យយើងវិញ ទាំងគាត់មិនដែលស្គាល់ពួកយើងទាំងពីរផង>>៕ 

ទស្សនារូបភាពទាំងអស់គ្នា៖

• តារាថៃ