ហ្វេននិងIdolគេ ខ្លាំងដៃមិនចាញ់គ្នា ថ្ងៃកំណើតJennie អ្នកគាំទ្រចិន ទិញកាដូឲ្យសុទ្ធតែប៊្រេនៗល្បីៗ!

កូរ៉េត្បូង៖ កាលពីថ្ងៃទី១៦ ខែមករាម្សិលមិញនេះ គឺជាថ្ងៃខួបកំណើតចូលវ័យ២៤ឆ្នាំ របស់តារាចម្រៀងស្រីគួរឲ្យស្រលាញ់ Jennie សមាជិកក្រុម Blackpink យ៉ាងណាមិញ ដើម្បីជាការអបអរថ្ងៃកំណើតជូនIdolរបស់ខ្លួន អ្នកគាំទ្ររាប់លាននាក់ទូទាំងពិភពលោក ក៏បានផ្ញើសារជូនពរថ្ងៃកំណើតទៅកាន់ Jennie និងថែមទាំងបានប្រើប្រាស់នូវ Hashtag #ShinningJennieDay និង #HappyJennieDay បង្ហោះអបអរថ្ងៃកំណើតនាង ពាសពេញបណ្តាញទំនាក់ទំនងសង្គមទូទាំងពិភពលោកផងដែរ។

ហើយអ្វីដែលពិសេសជាងនេះទៅទៀតនោះ តារាចម្រៀងស្រីវ័យ២៤ឆ្នាំថ្មីថ្មោងរូបនេះ ក៏ទទួលបាននូវកាដូថ្ងៃកំណើតយ៉ាងច្រើន សំណាក់អ្នកគាំទ្ររបស់នាង តួយ៉ាង នេះបើតាមដឹង កាដូដែល Jennie ទទួលបានពីអ្នកគាំទ្រចិនរបស់នាង សុទ្ធសឹងតែជាកាដូប៊្រេនល្បីឈ្មោះលំដាប់ពិភពលោក ដោយមានដូចជាប៊្រេន Channel ប៊្រេន Gucii ប៊្រេន Dior ប៊្រេន Louis Vuitton(LV) និងប៊្រេន Alexander Wangជាដើមផងដែរ។

មិនត្រឹមតែប៉ុណ្ណោះ អ្នកគាំទ្រអន្តរជាតិថែមទាំងបានចំណាយលុយរាប់ម៉ឺនដុល្លារ ដើម្បីបញ្ចាំងផ្ទាំងរូបថត រីករាយថ្ងៃកំណើតJennie នៅលើផ្ទាំងពាណិជ្ជកម្មធំ នៅកណ្តាលទីក្រុងNewYorkថែមទៀតផង៕ 

• តារាកូរ៉េ