ថៃ៖ ត្រូវបានគេមើលឃើញថា ទំនាក់ទំនងស្នេហារវាងមហាសេដ្ឋីលោក Songkarn និងតារាសម្តែងស្រីល្បីឈ្មោះកញ្ញា Matt Peranee កាន់តែបានបើកបង្ហាញច្បាស់ខ្លាំងឡើងៗ ដូចពាក្យដែលតារាស្រីរូបនេះធ្លាប់បាននិយាយថា នាង និង Songkarn មិនបានលួចលាក់ទាក់ទងគ្នាអ្វីទេ គឺប្រើជីវិតរស់នៅដូចគេឯងធម្មតាៗ។
ជាក់ស្តែងកាលពីដើមខែនេះ កញ្ញា Matt Peranee ក៏បានផុសរូបគូរបស់នាងជាលើកដំបូង ព្រមទាំងបានបញ្ចេញនូវ Caption ចាក់ដោតថា មិនចាំពិបាកលួចថតរូបនាងពីឆ្វេងពីស្តាំទៀតទេ តទៅនេះអាចមកសុំថតរូបគូនាងត្រង់ៗបាន។
ហើយចាប់តាំងពីពេលនោះមកគេក៏បានឃើញអ្នកទាំងពីរបានបណ្តើរគ្នាទៅដើរលេង ឬទៅធ្វើបុណ្យរួមគ្នាជាបន្តបន្ទាប់ដោយមិនខ្វល់ពាក្យរិះគន់ និងកាលពីប៉ុន្មានថ្ងៃមុននេះពួកគេក៏បាននាំគ្នាទៅដើរលេងនៅតំបន់ភ្នំមួយកន្លែង ដែលមានទីតាំងនៅក្នុងខេត្តឈៀងម៉ៃថែមទៀតផង។
ហើយលើកនេះ Songkarn ក៏បានផុសរូបកញ្ញា Matt Peranee នៅលើបណ្តាញអ៊ីនស្តារក្រាមរបស់ខ្លួន ហើយទោះបីជា មិនបានបង្ហោះរូបឃើញមុខនាងពេញក៏ដោយ ក៏ហ្វេនៗស្គាល់ច្បាស់ថាជានាងដែរ បើមើលទៅតាមសម្លៀកបំពាក់ និងកន្លែងដែលពួកគេទៅលេងរួមគ្នា៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]