ភ្នំពេញ៖ ប្រិយមិត្តជាច្រើន ដែលបានតាមដាននៅក្នុងកម្មវិធីប្រលងចម្រៀងកុមារ លំដាប់ថ្នាក់ពិភពលោក The Voice Kids រដូវកាលទី២ ប្រាកដជាបានស្គាល់ និងដឹងហើយថា កូនក្រុមរបស់តារាចម្រៀងកញ្ញា សួស វីហ្សា ប្អូនប្រុសផន សៀងលិ ដែលមានសមត្ថភាពស្រែកចៀងបានយ៉ាងល្អ និងមុខមាត់យ៉ាងគួរឲ្យស្រលាញ់។
ទោះបីជាមិនទទួលបានជ័យលាភី នៅក្នុងកម្មវិធីយ៉ាងណាក្តី ក៏ក្មេងប្រុសរូបនេះ ទទួលបានការងារឡើងច្រៀង តាមបណ្តាការប្រគំតន្រ្តីនានាច្រើន គួរឲ្យកត់សម្គាល់ ចំណែកឯប្រជាប្រិយភាពរបស់ប្អូនប្រុសនាពេលបច្ចុប្បន្ននេះ ក៏មានច្រើនមិនចាញ់ម្ចាស់ពានរង្វាន់ប៉ុន្មាននោះទេ។
ទន្ទឹមនឹងភាពជោគជ័យនៅក្នុងការងារសិល្បៈនេះ ក៏ស្រាប់តែមានការភ្ញាក់ផ្អើលយ៉ាងខ្លាំង ក្រោយបានដឹងថា តារាវ័យក្មេងរូបនេះ បានក្លាយទៅជាថៅកែប្រុសវ័យក្មេង បើករកស៊ីខាងជួលតន្រ្តីសម័យគ្រប់ប្រភេទ កាលពីពេលកន្លងទៅនេះ។
ដំណឹងទាំងនេះបានធ្វើឲ្យមហាជនជាច្រើនមានការភ្ញាក់ផ្អើលយ៉ាងខ្លាំង ដែលសូម្បីតែមេក្រុម កញ្ញាសួស វីហ្សា ក៏រំភើបចិត្ត មិនស្ទើរ នៅពេលដែលឃើញបែបនេះ។ ដោយក្នុងនោះនាង ក៏បានរៀបរាប់ទាំងភ្ញាក់ផ្អើលថា៖«Wow ឡូយដល់ហើយ ថៅកែតូច កុំភ្លេចជួយគាំទ្រ ក្រុមតន្រ្តី សមយ័របស់កម្លោះតូច ផន សៀងលិ ផងណា៎បងៗ ដែលក្រុមតន្រ្តីគាត់មានឈ្មោះថា តន្រ្តី ផន សៀងលិ»៕
សូមទស្សនារូបភាព និងវីដេអូខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]