អង់គ្លេស៖ លោក Solskjaer បាននិយាយថា David De Gea អាចចាត់ទុកថាគឺជាអ្នកចាំទីដ៏ល្អជាងគេបំផុតរបស់ក្លិបបាល់ទាត់ Manchester United។ លោកនិយាយបែបនេះក្រោយពេលដែល David De Gea បានបង្ហាញការរារាំងគ្រាប់បាល់ជាច្រើនដែលជាឱកាសរបស់ Spur។ អ្នកចាំទីសញ្ជាតិអេស្ប៉ាញវ័យ ២៨ឆ្នាំរូបនេះ មានស្ថិតិសង្គ្រោះបាល់រហូតដល់ ១១លើក នាជំនួបដែល Man UTD ឈ្នះ Spur ១-០ នាកីឡដ្ឋាន Wembly Stadium។
លោក OG. Solskjaer បាននិយាយថា៖ “ពួកយើងធ្លាប់មានអ្នកចាំទីល្អៗជាច្រើនក្នុងប្រវត្តិសាស្រ្តរបស់ក្លិបដូចជា Edwin Van Der Sar និង Peter Schmeichel ជាដើម ហើយខ្ញុំគិតថា De Gea ក៏អាចចាត់ទុកថាជាអ្នកចាំទីដ៏ល្អរបស់ក្លិបផងដែរ”។ ដោយឡែកក្រោយពីទទួលជ័យជម្នះ ៥ប្រកួតជាប់គ្នា ក្នុងក្របខណ្ឌ Premier League ក្លិប Man UTD បច្ចុប្បន្នស្ថិតនៅលេខ ៦ ដដែល ប៉ុន្តែបានបន្ថយគម្លាតពិន្ទុពីក្រុមលេខ ៤ Chelsea ឱ្យនៅសល់តែ ៦ពិន្ទុ និងមាន ៤១ពិន្ទុស្មើគ្នាជាមួយក្រុមកាំភ្លើងធំ Arsenal ដែលស្ថិតនៅចំណាត់ថ្នាក់លេខ ៥។
ទាក់ទងនឹងលទ្ធផលល្អបែបនេះ កីឡាករ David De Gea បាននិយាយថា៖ “ពួកយើងជឿជាក់ថា អាចបញ្ចប់រដូវកាលនេះជាមួយចំណាត់ថ្នាក់ Top 4, ពួកយើងគឺ Manchester United ពួកយើងនឹងព្យាយាមធ្វើឱ្យបានល្អបំផុត”, “វាជារឿងដែលល្អមួយចំពោះ ៣ពិន្ទុនៅឯ Wembly Stadium ពួកយើងរីករាយជាមួយទម្រង់លេងបែបនេះ ទាំងការបង្កើតឱកាសទាំងការវាយសម្រុក ហើយខ្ញុំជឿជាក់ថា ទម្រង់លេងនេះហើយដែលអ្នកគាំទ្ររបស់បិសាចក្រហមចង់បាន។”
គួរបញ្ជាក់ថា David De Gea បានចូលរួមជាមួយ Manchester United កាលពីឆ្នាំ ២០១១ ដោយផ្ទេរមកពីក្លិប Atletico Madrid ហើយរូបគេទើបតែឈ្នះពានរង្វាន់អ្នកចាំទីល្អបំផុត “Premier League Golden Glove” កាលពីរដូវកាលមុនផងដែរ៕
សូមទស្សនាវីដេអូនៃការសង្គ្រោះបាល់ទាំង ១១លើក របស់ De Gea ទល់នឹង Spur៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]