បរទេស៖ ហ្គេម Knives Out ដែលស្រដៀងទៅនឹង PlayerUnknown’s Battlegrounds (PUBG) ត្រូវបានគេរាយការណ៍ថា ហ្គេមនេះអាចរកប្រាក់ចំណូលបានច្រើនជាង PUBG និងហ្គេម Fortnite: Battle Royal ទៀតផង។ បើយោងតាមរបាយការណ៍ពីក្រុមអ្នកវិភាគរបស់ក្រុមហ៊ុន Sensor Tower ហ្គេម Knives Out អាចរកប្រាក់ចំណូលបានប្រហែល ៤៦៥លានដុល្លារនៅទូទាំងពិភពលោក ខណៈដែល Fortnite រកប្រាក់ចំណេញបានត្រឹមតែ ៤៥៥លានដុល្លារប៉ុណ្ណោះពី Fortnites Moblie។
Knives Out បាននាំមុខ PUBG ដោយសារហ្គេមមួយនេះអាចឱ្យអ្នកលេង ចាយលុយតាមទូរស័ព្ទដៃបាននៅលើទីផ្សារអ្នកប្រើប្រាស់នៅក្នុងប្រទេសចិន ដែលគេដឹងថាជាទីផ្សារសម្រាប់ហ្គេមអនឡាញធំជាងគេបំផុតលើពិភពលោក។ មូលហេតុនេះអាចបណ្តាលមកពី Knives Out ត្រូវបានចែកចាយដោយក្រុមហ៊ុន NetEase ដែលជាក្រុមហ៊ុនមានមូលដ្ឋានក្នុងប្រទេសចិន ខណៈដែល PUBG នៅមានបញ្ហាចម្រូងចម្រាស់មួយចំនួនជាមួយបទបញ្ជាក្នុងស្រុក។
ក្រុមហ៊ុន Sensor Tower ក៏បានប៉ាន់ប្រមាណផងដែរថា ប្រាក់ចំណេញរបស់ Knives Out ប្រមាណជា ៨០ភាគរយបានមកពីទីផ្សាររបស់ប្រទេសជប៉ុន ខណៈដែល PUBG និង Fortnite មិនទាន់ចូលជ្រៅទៅក្នុងទីផ្សាររបស់ប្រទេសជប៉ុននៅឡើយ។ ក្រុមអ្នកវិភាគទាំងនោះ ក៏បានបន្ថែមផងដែរថា ជាមធ្យមអ្នកលេង Knives Out នៅប្រទេសជប៉ុនបានចំណាយលុយប្រមាណជា ៣៧០ដុល្លារក្នុងម្នាក់តាមរយៈ App Store និង Google Play។
ទោះជាបែបនេះក្តី របាយការណ៍ខាងលើនេះមិនទាន់គិតដល់ប្រាក់ចំណេញរបស់ក្រុមហ៊ុន Fortnite លើ Android នោះទេ ព្រោះ Sensor Tower ទទួលបានត្រឹមប្រាក់ចំណេញរបស់ហ្គេម Fortnite នៅលើប្រព័ន្ធ iOS ប៉ុណ្ណោះ។ យ៉ាងណាក្តីនេះជាការបង្ហាញថា ទីផ្សារហ្គេមប្រភេទ Battle Royale បានកើនឡើងជាបន្តបន្ទាប់ គ្រាដែលកាលពីមុនមានត្រឹម PUBG និង Fortnite ដែលទាមទារឱ្យមានការប្រកួតប្រជែងកាន់តែខ្លាំងឡើងផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]