(ភ្នំពេញ)៖ ជាការពិត ថ្មីៗនេះរឿងរ៉ាវទំនាក់ទំនងស្នេហារបស់ តារាចម្រៀងស្រី បាន មុន្នីល័ក្ខ ជាមួយនឹង DJ Cake ត្រូវបានទស្សនិកជនចាប់អារម្មណ៍ខ្លាំង ព្រោះតែអ្នកទាំងពីរហាក់ស្ងប់ស្ងាត់ មិនទាន់មានដំណឹងចូលរោងការ រហូតមានព័ត៌មានចុះផ្សាយពីអ្នកទាំងពីរទៀតផង។ តែយ៉ាងណា ក្រោយឃើញព័ត៌មានផ្សាយ ពីរឿងស្នេហារបស់ខ្លួនហើយ បាន មុន្នីល័ក្ខ ក៏ចេញមុខមកបញ្ជាក់ភ្លាម ដើម្បីកុំឱ្យខូចហាងឆេង ដោយនាងបានប្រកាសថា «ខ្ញុំ និងបង DJ Cake បានផ្តាច់ពាក្យនឹងគ្នាចប់ហើយ»។

ផ្អែកទៅលើការបង្ហាញប្រាប់ ពីបាន មុន្នីល័ក្ខ ក្នុងបណ្តាញសង្គមផ្ទាល់ខ្លួន នាងបានសរសេរនូវសារថា «អគុណដែលបានចុះផ្សាយរឿងនេះ ខ្ញុំសុំបញ្ជាក់ថា ខ្ញុំ និងបង DJ Cake បានផ្ដាច់ពាក្យនឹងគ្នាហើយ ដូច្នេះសូមបងប្អូនកុំយល់ច្រឡំខ្ញុំ និងបង DJ CAKE ជាអ្វីនឹងគ្នាតទៀត ហើយសព្វថ្ងៃពួកយើងត្រឹមតែជាមិត្តរួមការងារប៉ុណ្ណោះ។ អគុណសម្រាប់ក្តី ស្រឡាញរបស់បងប្អូនទាំងអស់គ្នា»។

ជាមួយនឹងការបង្ហាញប្រាប់បែបនេះ ពីសំណាក់ បានមុន្នីល័ក្ខ មិនត្រឹមតែធ្វើឱ្យមហាជនចប់ចម្ងល់នោះទេ ថែមទាំងអាចនិយាយបានថា តារាស្រីកំពុងឡើងកូដ នៅទ្រនំហង្សមាសរូបនេះ ហាក់បានផ្តល់សង្ឃឹម ដល់មិត្តបុរសៗទាំងឡាយ ដែលមានបំណងចង់ស្ពានមេត្រី មានឱកាសច្រើនទៀតផង ដ្បិតក្រៅពីមានទឹកដមសំនៀងពិរោះ រណ្តំ ស្រទន់ទាក់ចិត្តហើយនោះ បាន មុន្នីល័ក្ខ ក៏មានសម្រស់សាយភាយ កែវភ្នែកមុតស្រួច គួរខ្នាញ់ទៀតផង។

គួរជម្រាប់ថា តារាស្រី បាន មុន្នីល័ក្ខ បច្ចុប្បន្នកំពុងមានប្រជាប្រិយភាព និងទីផ្សារសិល្បៈហាក់មានសន្ទុះខ្លាំង ព្រោះរាល់កម្មវិធីសិល្បៈនានា មិនថាតូចធំនោះទេ មហាជនតែងតែឃើញវត្តមាននាងជានិច្ច។ មិនតែប៉ុណ្ណោះ មួយរយៈនេះ ថែមទាំងត្រូវប៉ានខ្លាំង ក្នុងការចេញសម្តែង តាមការប្រគុំតន្ត្រី នៅតាមខេត្ត ជាហូរហែរទៀតផង៕

ប្រភព : khmertalking

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

បាន មុន្នីល័ក្ខ