តាំងពីមានសង្សារថ្មីមក Kwan លេងខ្លួន និងលេងស្ទីលថតប្លែកៗ ស្ទើរតែដូចតារាបរទេស!

ថៃ៖ ចូលមកដល់ឆ្នាំថ្មីឆ្នាំ ២០១៩ នេះភ្លាម គេឃើញជីវិតរបស់តារាសម្តែងស្រីមុខស្រស់កញ្ញា Kwan ហាក់ដូចជាមានរាសីឡើងខ្ពស់ស្រឺតៗពីមួយថ្ងៃទៅមួយថ្ងៃ ដោយជារឿយៗអ្នកគាំទ្រតែងតែ បានឃើញរូបភាពនាងបង្ហោះនៅលើបណ្តាញអ៊ីនស្តារក្រាមបង្ហាញពីភាពស្រស់ស្រាយ ក្នុងជីវិតជាតារាហាយសូររបស់ខ្លួន។

ហើយក្នុងនោះដែរ គេក៏បានឃើញការតុបតែងខ្លួនរបស់នាង ក៏កាន់តែលេចធ្លោខ្លាំងខុសប្លែកពីពេលមុនឆ្ងាយ ក្នុងដំណើរកម្សាន្តឆ្នាំថ្មីទៅកាន់ប្រទេសអូស្ត្រាលីរបស់នាងផងដែរ។ 

ដោយការទៅដើរលេងក្រៅប្រទេសលើកនេះ Kwan បានតុបតែងខ្លួន និងលេងស្ទីលថតបែបប្លែកៗ មើលមួយភ្លែត ស្មានតែនាងទៅជាតារាបរទេសបាត់ទៅហើយ។ 

ជាក់ស្តែង ក៏មានហ្វេនៗចូលទៅបញ្ចេញមតិយោបល់ នៅខាងក្រោមរូបភាពដែលនាងបានបង្ហោះនោះថា ពិតជាមានសម្រស់ស្រស់ស្អាត និងប្លែកភ្នែកមែនទែនពេលនាងប្តូរមកលេងស្ទាយ៍បែបនេះវិញ។ 

មិនតែប៉ុណ្ណោះ ក៏មានអ្នកគាំទ្រមួយចំនួនទៀតសរសើរនាងថា តាំងពីបែកសង្សារចាស់ ហើយមានសង្សារថ្មីជាកូនម្ចាស់សណ្ឋាគារទំនើបមក Kwan កាន់តែមានសម្រស់ស្រស់ស្អាត និងស៊ិចស៊ី មិនចាញ់តារាសម្តែងស្រីឯទៀតៗនៅក្នុងសង្គមសិល្បៈថៃ៕ 

តោះមកទស្សនារូបភាពរបស់ Kwan ក្នុងដំណើរកម្សាន្តនៅប្រទេសអូស្រ្តាលីដូចខាងក្រោមនេះទាំងអស់គ្នា៖ 

• ម៉ូត
• តារាថៃ