ជាពិតណាស់បេីយេីងនិយាយពីការនោម វាគឺជារឿងធម្មតាទៅហេីយសម្រាប់ជីវិតមនុស្សគ្រប់គ្នាៗ ។ ឯមនុស្សមួយចំនួនខ្លះក៏បានគិតថា វាគ្មានអ្វីដែលត្រូវចម្លែក និងត្រូវខ្វាយខ្វល់នោះទេ។ ពិតណាស់ដោយសារតែភាពមិនខ្វាយខ្វល់ និងមិនយកចិត្តទុកដាក់នេះឯង ទេីបធ្វេីអោយអ្នកមេីលរំលងនូវបញ្ហាមួយចំនួនផងដែរ។ បញ្ហានោះត្រង់ថា កាលដែលអ្នកនោមញឹកលើសពីធម្មតាពេក ក៏អាចប្រាប់ពីបញ្ហាសុខភាពខាងក្នុងដែលអ្នកកំពុងមានផងដែរ។
ដូចនេះការរៀបរាប់ខាងក្រោមនឹងអាចអោយអ្នកយល់ដឹងខ្លះៗ អំពីកត្តាវិជ្ជមាន និងអវិជ្ជមានដែលធ្វេីអោយអ្នកនោមញឹកលេីសធម្មតា។
ជាទូទៅតាមហ្រេ្វកង់ធម្មតាដែលមនុស្សនោមក្នុងមួយថ្ងៃ គឺមានពី៦ ទៅ ៨ដង ។ តែបេីអ្នកមានអាការៈនោមញឹកលេីសពីចន្លោះខាងលេីនេះ នោះមុខជាមានបញ្ហាអ្វីហេីយ។ ចំពោះកត្តាមួយចំនួនដែលនាំអោយអ្នកនោមញឹកលេីសពីធម្មតាដូចដែលបានរៀបរាប់ខាងលេី គឺមកពីអ្នកញ៉ាំទឹកច្រេីនលេីសកម្រឹតពេក ឫក៏ភេសជ្ជៈផ្សេងៗទៀតដែលមានជាតិកាហ្វេអុីន ជាតិអាកុល អាចមកពីការញ៉ាំថ្នាំផងដែរ ឫមានផ្ទៃពោះជាដេីម។ ល។ វាគឺជារោគសញ្ញាវិជ្ជមានធម្មតាទេសម្រាប់មនុស្សទូទៅ។
តែបើចំពោះរោគសញ្ញាអវិជ្ជមានមួយចំនួនទៀត ដែលអ្នកគួរតែចាប់អារម្មណ៍ និងយកចិត្តទុកដាក់នោះគឺ រោគសញ្ញាសុខភាព ។ ពីព្រោះការនោមច្រេីនដង ក៏អាចបណ្ដាលមកពីបញ្ហាសុខភាពអ្នកដែរ។
ដូចនេះបេីសិនជាអ្នកមានអាការៈនោមញឹកលេីសពី៦-៨ដងក្នុងមួយថ្ងៃ នោះគឺអាចបណ្ដាលមកពីកត្តាបញ្ហាសុខភាពដ៏ធ្ងន់ធ្ងរដែលមានដូចជា៖
-បញ្ហាតម្រង់នោម
-បញ្ហាប្លោកនោមដែលអាចឈានដល់ដំណាក់កាលមហារីក
-បញ្ហាត្រង់ក្រពេញប្រូស្តាត
-បញ្ហាបេះដូង
-ហេីមជេីង
-ខូចបំពង់នោមជាដេីម។ល។
ដូចនេះបេីអ្នករកឃេីញថាអ្នកនោមញឹកលេីសពីធម្មតា ឬលេីសពីចន្លោះពី៦ទៅ៨ដងក្នុងមួយថ្ងៃ និងមានអារម្មណ៏ថាមិនស្រួលត្រង់កន្លែងណាមួយ អ្នកត្រូវតែប្រញាប់ជួបគ្រូពេទ្យភ្លាមដេីម្បីផ្ដល់នូវការព្រឹក្សា។ បញ្ហាខាងលេីនេះនឹងអាចប្រែទៅជាល្អប្រសេីរវិញ ប្រសិនបេីអ្នកដឹងមុន និងប្រញាប់ព្យាបាលអោយបានទាន់ពេលវេលា ចៀសជាងអោយរោគជំងឺនេះកាន់តែរាលដាលដល់ផ្នែកផ្សេងៗទៀតនៃរាងកាយអ្នក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]