ស្ងាត់មួយរយៈ តាមពិត ឌុច សោភា មានបញ្ហាជើង ដល់ថ្នាក់មិនអាចដើរបាន ដោយសារតែ....

ភ្នំពេញ៖ មួយរយៈពេលមុននេះឃើញថាតារាសម្តែងដ៏មានប្រជាប្រិយភាព អ្នកនាងឌុច សោភា តែងតែលេចមុខនៅក្នុងកម្មវិធី ក៏ដូចជាការសម្តែងនូវភាពយន្តថ្មីៗ ដែលទទួលបានការគាំទ្រយ៉ាងខ្លាំង ពីបណ្តាអ្នកគាំទ្រនៅក្នុងប្រទេស ដោយសារតែសមត្ថភាពដ៏ល្អ បូករួមនឹងសម្រស់ក្មេងជាងវ័យរបស់នាង។

ក៏ប៉ុន្តែមួយរយៈពេលចុងក្រោយនេះ ហាក់ដូចជាមិនសូវឃើញតារាស្រីរូបនេះលេចមុខនៅក្នុងកញ្ចក់ទូរទស្សន៍ដូចមុន ឬក៏លេចមុខសម្តែងនៅក្នុងរឿងភាគថ្មីៗដូចមុន។ ទន្ទឹមនឹងការស្ងាត់មុខរបស់តារាស្រីរូបនេះ ក៏មានអ្នកប្រទះ និងបានឃើញរូបភាពក្រៀមក្រំជាច្រើនសន្លឹក នៅក្នុងបណ្តាញសង្គមរបស់នាង កាលពីពេលថ្មីៗនេះ។

ដោយក្នុងនោះនាងរបួសជើងជាទម្ងន់ រហូតដល់ថ្នាក់ដើរទៅណាមកណាពុំបាន មិនត្រឹមតែប៉ុណ្ណោះបើតាមរៀបរាប់របស់តារាស្រីរូបនេះ នៅក្នុងបណ្តាញសង្គមបានឲ្យដឹងថា ស្ថានភាពពេលនេះគឺដើរមិនបាន ដោយសារតែដាច់សរសៃតូច ព្រោះតែមិនប្រយ័ត្នបានដួល។

ចំណែកឯការព្យាបាលនេះត្រូវប្រើប្រាស់រយៈពេលជាច្រើនខែ ដើម្បីឲ្យជើងនាងបានដើរស្រួលជាធម្មតាវិញ។ ក្រោយពីបានឃើញបែបនេះ អ្នកគាំទ្រជាច្រើនពិតជាអាណិតដល់រូបនាងយ៉ាងខ្លាំង ព្រោះមិននឹកស្មានថានាងត្រូវជួបបញ្ហាបែបនេះ យ៉ាងដូច្នោះសោះ៕

សូមទស្សនារូបភាពខាងក្រោមនេះ៖ 

• ឌុច សោភា
• តារាខ្មែរ