ថៃ៖ កាលពីពេលថ្មីៗនេះ មានការភ្ញាក់ផ្អើល និងរន្ធត់ចិត្តយ៉ាងខ្លាំង ក្រោយទទួលបានដំណឹងថាពិធីការិនីដ៏ល្បីឈ្មោះនៅប្រទេសថៃ កញ្ញា Centimetre មានអាយុ២៨ឆ្នាំ បានជួបគ្រោះថ្នាក់ចរាចរណ៍ដ៏រន្ធត់ ដែលបានកើតឡើងនៅខេត្តឈៀងម៉ៃ បណ្តាលឲ្យមនុស្សនៅក្នុងឡាន២នាក់បានស្លាប់។
ហេតុការណ៍ដ៏រន្ធត់នេះ ក៏បានធ្វើឲ្យបណ្តាអ្នកគាំទ្រជាច្រើន ពិតជាមានការសោកស្តាយយ៉ាងខ្លាំង ព្រោះត្រឹមមួយរយៈពេលដ៏ខ្លីចូលឆ្នាំថ្មី២០១៩ភ្លាម នាងក៏ត្រូវឃ្លាតឆ្ងាយពីអ្នកជុំវិញខ្លួន នៅកាន់ទីសុខសាន្តយ៉ាងឆាប់រហ័សបែបនេះ។
ទន្ទឹមនឹងនេះដែរ គ្រួសាររបស់តារាស្រីរូបនេះ ក៏បាននាំគ្នារៀបចំធ្វើពិធីបុណ្យសពទៅដល់រូបនាង ដែលបានធ្វើឡើង ពោរពេញដោយភាពសោកសៅយ៉ាងខ្លាំង ដែលក្នុងនោះក៏មានការចូលរួមពីសំណាក់គ្រួសារ មិត្តភក្តិជាច្រើននាក់ ជាមួយនឹងទឹកមុខយ៉ាងក្រៀមក្រំ។
ទិដ្ឋភាពដ៏ក្រៀមក្រំមួយនេះ ក៏បានធ្វើឲ្យមហាជនជាច្រើនស្រណោះដល់សម្តី កាយវិការនៅពេលនៅរស់របស់នាង ដែលជាមនុស្សល្អសម្រាប់គ្រួសារ ក៏ដូចជាមិត្ត ពេលនេះក៏ស្រាប់តែចាកឆ្ងាយយ៉ាងដូច្នោះ៕
សូមទស្សនារូបភាព បង្ហាញទិដ្ឋភាពបុណ្យសពរបស់នាង ខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
